Google (Dita)
.jpg)
Google LLC. xe na dita mericana nota in tuto el mondo pa i servisi che la ofre: el pì famoxo xe el motore de riserca Google. La xe sta fondà inte el 1998 da do studenti mericani. Ła ofre anca altri servisi via web cofà GMail, Google Maps, Google Talk e YouTube.
Stòria de Google
Larry Page e Sergej Brin, ałòra stùdènti del'Università de Stanford, dòpo avèr sviłupà ła tèoria secòndo cui on motòr de riçèrca baxà so l'anàłixi matematèga de łe relàxioni tra siti web gàvaria prodòto risùltai mijori rispèto a łe tecnighè enpirìghè dopàrae preçedéntemènte, fondaròno l'axìènda el 27 setenbre 1998. Convìnti che łe pajine çitae co on major nùmaro de cołegàmènti ipèrtestùałi fusèro łe pì inpòrtànti e merìtévołi (Tèoria de łe Rèti), deçixero de aprofòndir ła łoro tèoria al'intèrno dei lòro stùdi e poxero łe bàxi par el łoro motòr de riçèrca[1].
L'axìènda, che gà el pròprio quartier xenèrałe a Mountain View in Całifornia, in te' cosidèto Googleplex, xe al mòmènto jèstia co capitàłi privai, i majòri detentòri de quòte son Kleiner Perkins Caufield & Byers and Sequoia Capital. Inte'otobre 2003, discùtèndo na posìbiłe ofèrta publicà inixiałe ła socetà fu contatà da Microsoft a propòxito de on posìbiłe acòrdo o de na fuxion; Google rifiùtò l'ofèrta. [2]
In te' xenaro 2004 xe stà anunçià l'asùnxion de Morgan Stanley e Goldman Sachs Group par orgànixar l'ofèrta publicà inixiałe, che gà rajùnto el prìmo xòrno çirca i 2 miłiàrdi de dołari 'mèricani (19,6 miłìoni de axioni a çirca 100 dołari ł'una); ła quòtaxion gà inixià subio a sałir, rajùnxendo a novènbre 2004 i 200 dołari par axion. A novènbre 2007 l'axion osieła intòrno ai 700 dołari. El 23 xenaro 2008 Google pèrde çirca el 10% in bòrsa a Wall Street, e dònche brùsa 16,3 miłiàrdi de dołari. Ła pèrdita xe dovuà a łe indicaxìoni no pròprio positìve dei anałisti Ubs, secòndo cui el taso de cresita del titoło dovària segnar in te' cuàrto trìmèstre on brùsco rałentàmènto rispèto al preçedènte trìmèstre.
El 9 marso 2006, Google gà acuistà da ła conpàgnia Upstartle Writely on Word procèsor utiłixàbiłe tramidè Browser, che parmète el salvatajo dei file prodòti in formai asai difùsi, parmètendo na façiłe interopèràbiłità co vari softuèr de prodùtività pèrsonałe. Infin, el 10 otobre 2006, Google gà riłevà el portałe par vidèo amatòriałi YouTube, vero fenòmeno de masa tra i xòvani par ła façiłità de condivìxion de vidèo amatòriałi co çirca 20 miłiòni de visitàtòri al mèxe, par l'astronomèga çifra de 1,65 miłiàrdi de dołari. A metà 2010, inòltre, Google gà prevìsto el rilaso del so prìmo sistema operativo open source, denominà Google Chrome Os che el sarà destinà almèno inixiàlmènte al mercà dei netbook.
Notaxion
- ↑ Tre righè de storia so Google Archivià l'11 de setenbre 2008 in Internet Archive.
- ↑ El sogno proibìdo de Microsoft, na fuxion co Google Archivià il 18 de zunjo 2009 in Internet Archive.
Wikimedia Commons el detien imàjini o altri file so Google Inc.
el detien schemi gràfeghi so
| Controło de autorità | VIAF (EN) 124291214 · ISNI (EN) 0000 0004 0635 6729 · LCCN (EN) no00095539 · GND (DE) 10122609-3 · BNF (FR) cb15026135n (data) · NLA (EN) 50414901 · WorldCat Identities (EN) no00-095539 |
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
