Jardin

Dezanbìgua – Se te serchi el comun fransexe, védarse cuà

El jardin el xe on spàsio, sołitamente al verto, pianifegà par ła coltivasion, mantegnimento e/o l'espoxision de łe piante (piante da fiori, da fruta o anca soło da paribón) e de altre forme de naura. Ła forma pì comun de jardin, ła xe cheła del jardin rexidensiałe.

Sorte

I jardini in tel mondo oçidentałe i xe totalmente baxai so le piante e co jardin se intende na sorte scursada de jardin botanego; i jardini in tel mondo orientałe invese, come i jardini Zen, i xe tradisionalmente co poche piante o anca njiente. On jardin el połe tegnere anca materiałi artifiçałi, par funsion o par paribón. Intrà i materiałi artifiçałi che se połe catare ghe xe łe statue (paribón), fontane (paribón e funsionałe), lagheti artifiçałi (paribón e funsionałe) e altre sorte de materiałi creai da l'omo.

El termane jardin el se riferise, parò, a on conçeto tanto pì grando. On zoo par exenpio el xe on jardin in tel cuałe vien esposte bestie selvadeghe in anbienti ricostruii che i serca de imitare chełi veri. In pasà, i vegnea ciamai "jardini zoołoxeghi".

Jardinajo

El jardinajo el xe el nome de l'atività de ła persona che fa cresare e mantien el jardin, trabaco faxesto sia da on profesionista che da on amadore. El jardiniero o ła jardiniera ła xe cheła persona che fa sta atività, anca se el podaria laorare anca in tei parchi (ciamai anca jardini publeghi) o in tei dèji de łe strade, andove se costuma piantare piante de vario tipo.