Le comiche
| Paeze |  Itàłia  |
|---|---|
| Zènare | film comèdia |
| Ecuìp tècnega | |
| Senejador | Alessandro Bencivenni (it)  , Leonardo Benvenuti (it) , Piero De Bernardi (it) , Neri Parenti (it) e Domenico Saverni (it) |
| Fotografia | Roberto Gerardi (it) |
| Montador | Sergio Montanari (it) |
| Senògrafo | Maria Stilde Ambruzzi (it) |
| Diretor | Neri Parenti (it) |
| Produtor | Mario Cecchi Gori (it) e Vittorio Cecchi Gori |
| Conpozitor | Bruno Zambrini (it) |
| Atori | |
| Conpangnia produtora | Cecchi Gori Group (it)  Medusa Film (it) |
| Łéngua orizenałe | italian |
| Durada dei capìtułi | 89 min |
| Pì informasion | |
  
| |
Le comiche el ze un film itałian de'l 1990 direto da Neri Parenti.
El ze el primo film de na triłozìa che ła vede protagonisti in copia Paolo Villaggio e Renato Pozzetto, seguìo da Le comiche 2 e Le nuove comiche.
Trama
Prołogo
El film el se verze co un prołogo, anbientà drento de na sała sinematogràfega, so'l cui schermo pasa un vecio film in cui A se vede Paolo e Renato a łe preze co un tren che'l sta par investirli. A un serto ponto i do i se salva venjindo fora da'l schemo, łasando zbigotìi tuti i spetadori.
I inbiancadori
Paolo e Renato i ze do inbiancadori che i ga da restaurar na cieza, ma i riva propio inte'l momento che'l paroco el ze drìo sełebrar un matrimonio tra do zòvani spozi: Mario, un omo peoco che'l ga indoso un peruchìn, e Domitilla, na zòvane dona afeta da tic nervozi. A cauza de'l fastidiozo rumor provocà da ła roda de'l careto in atrito co ła forca, Paolo el ła coerze de ojo ma ła va A ghe va inbàter par zbajo anca el vestido de ła spoza; tuto d'un colpo el microfono de'l paroco el vien zlansà inte'l confesionałe, dove che vien anpligfegàe fraze inbarasanti.
I do i ga da depénzer dei łanpadari: Paolo el desfa ła caena de un łanpadario zbajà, el cuało el casca zó propio in testa ai spozi e, cuando, che'l vien tirà sù, el sołeva co sé anca Domitilla, che ła ghe mostra el tafanario a'l pùblego inbarasà. Dopo aver fato racuanti dani, incluza ła destrusion totałe de un presiozo mozaego de'l Tresento, finalmente i scumisia el łaoro so uno dei łanpadari ma ła vernize rosa ła fenise asidentalemtne inte łe cane de l'organo e a'l momento de ła mùzega finałe ła zbiansa indoso a tuti. Infin, i do spozi i vien investìi da l'armadura so ła cuała A se catava i do inbiancadori e portài cuindi in ospeałe.
I adeti a ła stasion de servisi
Paolo e Renato, che i se ga fermà a far refornimento par el sidecar, i cata łaor inte na stasion de servisio. I taca co'l farghe un pien de gazołio a un tir cargo de automobiłi ma i inpenjise anca i serbatoi de łe auto trasportàe, finindo par zbarufar co'l propietario, che'l ghe fa un ocio nero a Renato. Po', durando un controło so'l torcio, un furgon el resta incastrà inte'l coverto e el casca zó propio inte'l momento che n'automobiłe ła ze drìo parchegiar, destruzendoła.
Inte'l fratenpo Paolo el neta n'automobiłe co'l tirapòlvare inpostandoło a'l màsemo, finindo par aspirar tuti i tesùi de ła màchina compreza ła sinjora sentada inte i sediłi posteriori. I do i ga finìo el propio turno de łaor; i sta par far refornimento cuando ła ponpa ła imatise łansando benzina dapartuto, anca indoso a l'injaro zestor, el cuało el ciapa fogo. Paolo e Renato i serca de jutarlo ma i fenise par pezorar ła situasion e el benzinaro, che'l ze tuto un rabieso, el serca de colpir Paolo e Renato co un fuziłe.
I vendidori
Paolo e Renato i riva inte na łocałità in Trentino-Alto Adige par propónerghe a un albergador un tirapòlvare tutofar. I do i ironpe ezeguindo ła demostrasion de funsionamento de'l machinario, ma inte'l farlo i inpenjise de sciuma l'intiera sała acołiensa. Sprovisti de danaro par el rezarsimento, i vien costreti da'l proprietaro a łaorar par repagar i dani. Cui i trovarà i spozi de'l primo epizodio e na insołita copia co un marìo zełozo, a razon, de ła zòvane mujer.
Dopo na infinità de guai, tuti i clienti i scanpa via da l'albergo: par punision Paolo e Renato i vien sarà, in càneva, ma i se łibara grasie a'l tirapòlvare, che'l scava na gałarìa inte ła rocia che ła conduze so na pista inevada. Cui i se trova fasa a fasa co'l Papa de l'època (Giovanni Paolo II, noto frecuentador de montanja e sport invernałi) e ła só scorta de Vardie Zvisare impenjà inte na deseza co i sii. Doparando una de łe só vałize cofà łisaroła, i do i cauza un insidente a'l Pontefice, spenzéndoło inte'l buzo de'l tunnel.
I becamorti
Paolo e Renato i ze do inpresari de ponpe funebri, che daspò averghe fato sernir na bara a'l cronpador tra łe tante in espozision, i ga da cołogar inte ła bara el cadavare de un omo moristo mentre che'l zera inte na pozision yoga asè intrigada. Ła védova inconsolabiłe, deventada agresiva inte i confronti de Paolo e Renato, ła vien sarà inte un armaro. No riusindo a dezmentar el cadavare, i do i deside de métar inte ła casa ła védova. Ma durando el trasporto so'l caro funebre, ła se demena e infin ła bara ła vien zlansada zó sol 'asfalto cuando che'l veicoło eòl fa na brusca acełerada.
A'l mar
Inte na doménega d'istà, ndài a'l mar, Renato el deside de łasar da soło Paolo so ła spiagia, par vivar separadamente chel zorno de relax. Anca cui i do amisi, i conbina paromo da só posta altri dezastri: Renato el ghe ronpe na cana da pesca co'l cuało el ga ciapà a l'amo un sotomarin mentre Paolo el colpise el banjin co na fiòsina. Soło a sera, cuando tuta ła zente ła ze fuzìa a cauza de un tenporałe, i do i se cata so ła spiaja dezerta e i torna insieme.
Scanbio de parsona
Un mafiozo el descoverze che Paolo e Renato i ze i sozia dei só capiclan, in guera co l'organizasion mafioza dei marsejezi. El tirapìe el łi roła sostituìndołi, a só insavùa, ai só cai, ofrìndoghe a łori na serada inte un łocałe zestìo da ła banda dei marsejezi. Ma el tentativo de farli copar el fałise e a'l só posto more do injari clienti de'l łocałe. Cusì A se recore ai killer, ma par na serie de cazi ed ecuivosi i do, prima i cauza el sasinio dei killer che i gavarìa dovesto coparli e po' i farà saltar par aria i veri caoclan e el só tirapìe, uzando maldestramente un bazooka. A 'sto ponto A scumisia na rencorsa a dano dei do da parte dei gangster soravivesti.
Epiłogo
Oltra che da'l cao dei marsejezi, Paolo e Renato i vien reconresti da tuti i parsonanji visti inte'l film e i cata ła evazion rientrando inte'l schermo sinematogràfego da ndove i jera venjùi fora a'l scominsio de'l film, łasando tuti zbigotìi. 'Sta volta parò el tren el łi investe daseno e se vede a ła fine ła łocomotica che sfonda l'edifisio de'l sinema, co Paolo e Renato sentài sora i respenzenti.
Reconosimenti
- 1991 - Ciak d'oro
- Candidatura come mejo atora non protagonista ad Alessandra Casella
Voze corełàe
Altri projeti
el detien schemi gràfeghi so
Linganbi foresti
- Le comicheMYmovies.it, Mo-Net Srl.
- Le comicheANICA, Archiviodelcinemaitaliano.it.
- (EN) Le comicheInternet Movie Database, IMDb.com.
- (EN, ES) Le comicheFilmAffinity.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
