Longobardi

I Longobardi i xe stà na popolasion xermànega, protagonista tra el II e il VI secolo de na longa migrasion che la ga portà dal baso corso de l'Elba fino al'Italia. El movimento migratorio el xe scominsià intel II secolo, ma soltanto intel IV l'intero pòpolo el gavaria asà el baso Elba. Durante el spostamento, avegnùo risalendo el corso del fiume, i Longobardi i xe aprodai prima al medio corso del Danubio (fine V secolo), poi in Panonia (VI secolo), dove che i ga consolidà le so struture polìteghe e sosiali, i se ga convertii parsialmente al cristianèxemo ariano e i ga inglobà elementi ètneghi de varia orìxene, prinsipalmente xermàneghi.

Co l'irusion dei Longobardi, l'Italia la se ga catà divixa tra lori e i Bizantini, secondo confini che intel corso del tenpo i ga subio notevoli osilasioni. I novi vegnui i se ga ripartio tra la Langobardia Maior (l'Italia setentrionale e el Ducato de Tuscia) e la Langobardia Minor (i ducati de Spoleto e Benevento inte l'Italia sentro-meridionale), mentre la tera rimgnua soto controlo bizantin ("Romània") la gaveva come fulcro l'Exarcà de Ravena. Dopo el Ducato del Friuli, creà intel 569 dal steso Alboino, altri ducati i xe sta creai inte le prinsipali sità del Regno longobardo: la solusion la se sta detà da exigense prima de tuto militari (i duchi i xera soratuto comandanti), ma la ga trato el seme de la struturale debolesa del podere regio longobardo^[1]. Intel 572, dopo la capitolasion de Pavia e la so elevazione a capitale del regno, Alboino el xe cascà vitima de una conjiura tesésta a Verona da la mojere Rosmunda e da alcuni guerieri.^[2]

1. ↑ Jarnut, op. cit., pp. 48-50 .
2. ↑ Diacono, op. cit., II, 28 .

• Paolo Diacono, Historia Langobardorum, in Georg Waitz (curà da), Scriptores rerum Langobardicarum et Italicarum saec. VI–IX, in Monumenta Germaniae Historica, Hannover, 1878, pp. 12-219.

• Jörg Jarnut, Storia dei Longobardi, tradusion de Paola Guglielmotti, Torino, Einaudi, 1995 [1982], ISBN 88-06-13658-5.