Lou Ferrigno

Lou Ferrigno

(2026)
Biografia
Nasimènto	9 de novenbre del 1951 (74 ani) Brooklyn (New York)
Dati personałi
Formasion	Brooklyn Technical High School (en)
Altura	193 cm
Atività
Canpo de laoro	Culturismo
Ocupasion	ator, ator, ator de tełevixion, dopiador, culturista
Atività	1970  –
Partio	Partio Republegan
Spor	culturismo
Òpara
Òpare in rezalto (1977-1982) L'incredibile Hulk (it)
(1984)  Razzie Award al peggior esordiente (it) , premià par Hercules (it)

Louis Jude "Lou" Ferrigno (Brooklyn, 9 de novenbre 1951, el ze un ator e un culturista statunitense.

El ze aparìo in un mucio de spetacołi tełevizivi, film e tełefilm cofà L'incredìbiłe Hulk. Pumping Iron co Arnold Schwarzenegger e Franco Columbu), Sinbad dei sette mari, ed Hercules.

Lou Ferrigno el ze cresùo in una fameja Sicuła-sicuło-statunitense, só fio de Matthew, un tenénte de połisia de New York, che a parér de Lou el fa anca el sołevador de pezi e de frecuente critico e negativo verso el fio e ła muger Victoria. So'i tre ani, Lou el gà subìo na infension a ła rècia perdendo cusì l' 0% de'l só sentìo. A trèdeze ani el gà tacà ad ałenarse, imitando el culturista e ator Steve Reeves, che inte'l mondo de'l sinema el se ricorda parchè el gà intarpretà Ercole.

Daspò aver fenìo i studi inte'l 1969, Ferrigno el ga vinsesto i só primi trofei, l'IFBB Mr. America e Mr. Universo cuatro ani drìo. Inte'l 1974 el ze rivà terso a'l primo tentativo de concuistàr el titoło de Mr. Olympia. El ze rivà da nòvo terso inte l'ano drìo, e el só tentativo de bàter Arnold Schwarzenegger el ze stà ła trama de'l film-documentario Uomo d'acciaio de'l 1977. Senpre in cuel'ano el gà partesipà a L'uomo più forte del mondo indove l'è rivà cuarto so oto partesipanti. Indrìoman el ga zbandonà el mondo de ła conpetision culturìstega par tanti ani.

Lou Ferrigno el ze stà el culturista pì alto de cuełi tenpi co i so 196  cm de altésa e 120 kg de pezo. Siben no'l sia mai stà bon de bàter Schwarzenegger inte'l culturizmo, el se ga ciapà ła só refàda (rescato) otenjindo el parsonajo de Hulk inte ła famoza serie tv dei ani setanta. Co i só 188 cm, Arnold el za stà refudà par ła só altésa. Inte'l 1989 el fa da conparsa int'un video del singoło Liberian Girl de Michael Jackson.

So'i primi dei ani novanta el torna a far culturizmo, sendo in conpetision inte i ani 1992 e 1993 par el tìtoło de Mr. Olympia, finindo in dodezèzema e desima pozision, tornando dònca ai Olympia Masters, dove inte'l 1994 el riva segondo suito drìo Robby Robinson. Drìoman el se ga retirà par senpre da'l culturizmo conpetitivo.

Ferrigno el gà visto ła perdita de'l sentìo cofà un fator inportante de ła só vita: "... se mi no gavese perdesto el sentìo, no sarìa dove che A son deso. 'Sto fato el m'à forsà a masimezàr el me potensiałe. Go da èsar megio de na parsona mèdia par aver suceso".

Ghe ze un só cameo in Hulk, film de'l 2003 direto da Ang Lee, indove el conparise da vardiàn de'l łaboradorio univarsidario inte'l cuało łaora Bruce Banner e inte'l 2008 el gà intarpretà el steso ròło inte'l film de Louis Leterrier L'incredìbiłe Hulk.

Inte'l 2012 el dopia Hulk inte ła varsion orizinałe de The Avengers, intarpretà da Mark Ruffalo, primo ator a resitar sia come Bruce Banner che come Hulk, uzando tute CGI.

Ferrigno el ga spozà Susan Groff inte'l 1978, devorsiando un ano drioman. El 3 de majo 1980 el gà spozà ła psicoterapista Carla Green che ła ga tacà anca a farghe da manager e pì tardi da personal trainer. Da eła el gà avùo tre fiołi, Shanna nasùa inte'l 1981, Louis Jr. inte'l 1984 e Brent inte'l 1990. Só fìa Shanna Ferrigno ła ze atora e produtora de serie tełevizive.

• Inteìl 1983 el gà vinsesto un Razzie Awards come pezo ator ezordiente par Hercules.
• El gà partesipà a l'ezecusion de'l brano muzegałe dei Beatles, Let It Be cołaborando co ła rock band Svedeze "Gyllene Tider", el ze prexente anca inte'l videoclip de ła cover, co tante altre star de'l sìnema e de ła tełevizion.

• Pumping Iron (Uomo d'acciaio), rezìa de Robert Fiore e George Butler (1977)
• I sette magnifici gladiatori, rezìa de Claudio Fragasso e Bruno Mattei (1983)
• Ercole (Hercules), rezìa de Luigi Cozzi (1983)
• Le avventure dell'incredìbiłe Ercole, rezìa de Luigi Cozzi (1985)
• Desert Warrior, rezìa de Jim Goldman (1988)
• Academy war, rezìa de Rocky Lang (1989)
• Sinbad of the Seven Seas, rezìa de Enzo G. Castellari (1989)
• Cage (Sbarre d'acciaio), rezìa de Lang Elliott (1989)
• Liberty & Bash (Crimes Task Force), rezìa de Myrl A. Schreibman (1989)
• Hangfire (Uomini d'assalto), rezìa de Peter Maris (1991)
• The Naked Truth (Pezzi duri... e mosci), rezìa de Peter Maris (1992)
• Frogtown II, rezìa de Donald G. Jackson (1992)
• The Making of '...And God Spoke', rezìa de Arthur Borman (1993)
• The Cage II (Sbarre d'acciaio 2), rezìa de Lang Elliott (1994)
• The Misery Brothers, rezìa de Lorenzo Doumani (1995)
• The Godson, rezìa de Bob Hoge (1998)
• Ping! (Ping - Un cane tutto matto), rezìa de Chris Baugh (2000)
• From Heaven to Hell, rezìa de Eric D. Howell e Christopher Taber (2002)
• Hulk, rezìa de Ang Lee (2003) - cameo
• The Incredible Hulk (L'incredìbiłe Hulk), rezìa de Louis Leterrier (2008)
• I Love You, Man, rezìa de John Hamburg (2009) - cameo
• City of Shoulders and Noses, rezìa de Ralph Hemecker (2010)
• The Avengers, rezìa de Joss Whedon (2012) - voxe
• Generation Iron, rezìa de Vlad Yudin (2013) - Documentario

• L'incredìbiłe Hulk (L'incredìbiłe Hulk), reìa de Kenneth Johnson (1977)
• The Incredible Hulk: Death in the Family (Morte in famiglia (film tełevixivo)|L'incredìbiłe Hulk: Morte in famiglia), rezìa de Alan J. Levi (1977)
• L'incredìbiłe Hulk (1978-1982)
• Billy (1979)
• Profession pericolo (1983)
• Trauma Center (1983)
• Matt Houston (1984)
• Mike Hammer (1984)
• Giudice di notte (1985)
• Storie incredibili (1985)
• The Incredible Hulk Returns (La rivincita dell'incredìbiłe Hulk), rezìa de Nicholas Corea (1988)
• The Trial of the Incredible Hulk (Processo all'incredìbiłe Hulk), rezìa de Bill Bixby (1989)
• The Death of the Incredible Hulk (La morte dell'incredìbiłe Hulk), rezìa de Bill Bixby (1990)
• Detective Extralarge (1991)
• The Incredible Hulk (1996-1997)
• Conan (1997)
• Black Scorpion (2001)
• The King of Queens (2002-2007)
• Tutto in famiglia (2004)
• Reno 911! (2004)
• Chuck - serie TV, epixodio 4x02 (2010)
• Adventure Time (2011)

• Wikimedia Commons el detien imàjini o altri file so Lou Ferrigno
• Scholia el detien schemi gràfeghi so Lou Ferrigno