Luisa Corna

Luisa Corna

Biografia
Nasimènto	2 de disenbre del 1965 (60 ani) Palazzolo sull'Oglio (Itàlia)
Dati personałi
Altura	176 cm
Cołor dei oci	Noxa
Cołor de caveji	Cavejo nero
Atività
Ocupasion	cantante, ator, prexentador de tełevixion, modeło
Atività	1992
Instrumento muzicałe	Voze
Targheta discogràfega	Joe&Joe
Àlbun	2
Albun studio	2
Partisipante in
2025	San Marino in the Eurovision Song Contest 2025 (en)
Repertòrio
Pop, Blues, Rock
Fameja
Convivente	Aldo Serena Alex Britti
(2011)  Premio Città dei Cavalieri di Malta (it)
Sito web	luisacorna.it

Luisa Corna (Palazzolo sull'Oglio, 2 disenbre 1965) xe na cantante, prexentatora tełevixiva, atora e modèła itałiana.

Come cantante ła gà partesipà al Festival de Sanremo 2002 in cùbia co Fausto Leali e ła gà publegà do dischi, cofà condutora ła gà prezentà tra l'altro i programi Tira e molla, Notti Mondiali, Si ze proprio lui, Sognando Las Vegas e Domenica In, come atora ła gà recità inte'l film Al momento giusto de Giorgio Panariello e ne ła fiction Ho sposato uno sbirro-

Luisa Corna ła ga tacà ła só cariera sfiłando par Dolce & Gabbana, Mariella Burani e Missoni, e puzando par fotografi cofà Fabrizio Ferri e Helmut Newton, fasendo na conparsa anca in alguni spot.

Drìoman ła ga studià recitasion e dision al Centro Teatro Attivo e a'l Centro Profession Musica.

Ła ga tacà cantàre a 18 ani co ła Tequila Band e inte'l 1992 gà partesipà a'l Festival de Castrocarp par i zóveni tałenti, rivando segonda co'l brano Dove vanno a finire gli amori scrito da Depsa.

Inte el 1997 ła ga fato na aparision inte el roło de ła dea Kalì inte'l film Nirvana de Gabriele Salvatore.

Inte el bienio 1997/98 ła ze stada cantante fisa de Domenica in e inte'l 1998 ła ga afiancà Giampiero Ingrassia prezentando Tira e molla, programa che'l ła ga vista anca cantar in cuanto cantante. Da'l 1999 a'l 2002 l'è stà ła prezensa feminiłe fisa inte'l programa sportivo Controcampo, in conpanjìa de Sandro Piccini.

Inte el steso parìodo ła ga resità inte'l film Al momento giusto, de e co Giorgio Panariello, (2000), inte el roło de ła fotoreporter Lara e inte'l 2001 ła ga prezentà al Teatro Ariston Sanremo si nasce, co Michele Cucuzza e Massimo Lopez.

Inte el 2002 ła ga partesipà, come cantante in gara fasendo cùbia co Fausto Leali, a'l Festival de Sanremo 2002 co ła canson Ora che ho bisogno di te, clasifegandose a'l cuarto posto, e ła ga prezentà prima Notti mondiali, co Marco Mazzocchi e Giampiero Galeazzi, po' Si ze proprio lui, varietà co ła rezìa de Pier Francesco Pingitore dedicà a ła scoverta de novi comici e imitatori.

Ła ga fato altre do condusion de łe edision da'l 2002 a'l 2006 de Napoli prima e dopo, programa muzegałe dedicà a ła mùzega partenopea; de Sognando Las Vegas inte el 2003, varietà tełevizivo trazmeso el sabo sera in 10 pontade, e de'l premio Le Grolle d'Oro trazmeso so Raiuno da Saint-Vincent.

Giorgio Albertazzi inte'l 2004 el ła ga vosùa inte el roło de ła maga Circe in una version teatrałe de l'Odisea, indove ghe ga dà voze anca a łe sirène. Inte'l steso ano ła ga inprestà ła só voze anca a'l personazo de Lola in Shark Tale, che inte ła version orizinałe ła ze dopià da Angelina Jolie.

Inte'l 2004, 2005, 2007 so Rai 1 ła ga prezentà: el Premio Barocco, riconosimento de ła cełensa itałiana; inte'l 2005 da'l teatro de Taormina, La Kore, kermesse dedicà a i mazori stiłisti itałiani, in cùbia co Valeria Marini, e oncora inte'l 2005 el David di Donatello, in conpanjìa de Mike Bongiorno.

El 31 marso 2006 ze insìo el só primo disco, intitołà Acqua futura, che'l ga ùndeze canson, tra cui ła title track scrita co Gatto Panceri, L'ultima luna scrita da Renato Zero e Santa Vita cover de St. Teresa de Joan Osborne.

Inte l'edision 2006/07 de Domenica in...L'Arena ła ga dotà co cantanti de diversi zènari muzegałi inte ła só sesion canora drento a'l programa. Inte łe edision drio 2007/08 e 2008/09 ła só sesion canora ła ze stà spostà in Domenica in... Rosa

Ła ga resità co Flavio Insinna inte ła fiction Ho sposato uno sbirro (2008) e in cheł'altro sucesivo Ho sposato uno sbirro 2 (2010), inte'l roło de pùblego ministero Lorenza Alfieri.

Inte'l novenbre 2010 ze insìo Non si vede in silenzio, só segondo disco, che'l ga 2 Sillabe, brano sonà da Alex Britti, e diverse cover tra cui ła title track de Gino Paoli e Corri e vai; varsion itałiana de Run Baby Run de Sheryl Crow. El disco el ze publegà da l'eticheta discogràfega de Joe&Joe.

Inte'l 20120 ła ga partesipà a'l talent de Rai 1 Tale e Quale Show inte łe vesti de Renato Zero (prima pontada), Mina (segonda pontada) e Liza Minnelli (cuarta ed ùltema pontada); drioman ła partesìpa a'l torneo de i canpioni de'l programa interpretando Amii Stewart (prima pontada), Mariah Carey (segonda pontada) e Rita Pavone (tersa pontada), mentre inte ła cuarta e ùltema pontada ła se ezibise da novo cofà Whitney Houston.

• 2006 - Acqua futura
• 2010 - Non si vive in silenzio

• 1992 - Dove vanno a finire gli amori scrita da Depsa
• 2002 - Ora che ho bisogno di te (co Fausto Leali)
• 2005 - Colpa mia scrita da Luisa Corna e Gatto Panceri
• 2005 - Soli (Sentimenti Fragili) scrita da Luisa Corna e Gatto Panceri
• 2010 - Due Sillabe scrita da Luisa Corna, featuring Alex Britti
• 2011 - Non si vive in silenzio scrita da Gino Paoli

• Domenica in (Rai 1, 1997-1998)
• Tira e molla (Canale 5, 1998)
• Controcampo (Italia 1, 1999-2002)
• Al momento giusto (Rai 1, 2000)
• Sanremo si nasce (Rai 1, 2001)
• Notti Mondiali (Rai 1, 2002)
• Sì sì ze proprio lui (Rai 1, 2002)
• Napoli prima e dopo (Rai 1, 2002-2006)
• Sognando Las Vegas (Rai 1, 2003)
• Le Grolle d'Oro (Rai 1, 2005)
• Premio Barocco (Rai 1, 2004-2005-2007)
• David di Donatello (Rai 1, 2005)
• Domenica in... L'arena (Rai 1, 2006-2007)
• Domenica in... Rosa (Rai 1, 2007-2009)
• Tale e Quale Show (prima edizione) (Rai 1, 2012)
• Tale e Quale Show - Il torneo (Rai 1, 2012)

• Nirvana, regia de Gabriele Salvatores (1997) inte el ròło de ła dea Kali ^[1]
• Al momento giusto, regia de Giorgio Panariello e Gaia Gorrini (2000)^[2] inte el ròło de Lara
• Ho sposato uno sbirro - miniserie TV (2008)
• Ho Sposato uno sbirro 2 - miniserie TV (2010) inte el ròło de Lorenza

• Teatro Antico di Pompei - Nell' Odissea de Giorgio Albertazzi, (2004) - Ròło: Maga Circe e voxe dei canti de łe Sirene

1. ↑ Scheda film Nivana so IMDBimdb.com. Entrada il 27 ottobre 20101.
2. ↑ Scheda film Al momento giusto so IMDBimdb.com. Entrada il 27 ottobre 20101.

• Wikimedia Commons el detien imàjini o altri file so Luisa Corna
• Scholia el detien schemi gràfeghi so Luisa Corna

• Biografia Archivià il 21 de otobre 2011 in Internet Archive.

Scheda su Luisa Corna de l'Internet Movie Database

• pagina uficiałe so myspace Archivià il 22 de febraro 2013 in Internet Archive.
• [1], [2] pagine uficiałi so Facebook
• pajina uficiałe so Twitter