Mar Roso

Mar Roso

Sorte	Mar
Epònemo	roso
Parte de	Osèano Indian
Rente a	Nordàfrica Mèdio Oriente
Afluente	Barca (it) ,Aligide River (en) ,Comaile River (en) ,Fah River (en) ,Naẖal Gar‘init (en) ,Naẖal Garof (en) ,Naẖal Shaẖmon (en) ,Naẖal Shelomo (en) ,Nahal Gishron (en) ,Nahal Roded (en) ,Wadi Laba River (en) ,Wadi Watir (en) ,Wokiro River (en)
Dati e sifre
Altitùdene	0 m
Prodondità	3 040 m
Mezura	355 () km
Traversa	Ezito, Aràbia Saudia, Sudan, Zibuti, Eritrea, Jemen, Israełe e Zordània
Àrea	445 816 km²

El Mar Roso se pol considerarlo come na propazene de l’Oceano Indian itorno a la Penisola del Sinai. Par le so carateristeghe, se pol anca vedarlo cofà un mar separà da l’Oceano, col qual el comunega inte el Golfo de Aden.

El Mar Rosso l'ocupa na area de mezo milion de km², e el ga na profondità massima de 2.500 m. La so profondità mèdia la xe de 500 m.

El Mar Roso el xe el mar tropical pì a nord de tuti e el xe abità da pi de 1 000 specie de invertebrai e pì de 200 tipi de coralo. Par questo el xe anca tanto frequentà dai subaquei.

I greghi i le chiamava Ἒρυτρα ϑάλασσα (Erythra Thalassa), i romani Mare Rubrum, tuti e do i nomi vol dir mar de color rosso. El nome el vien dal color de le rive a primavera, par de bateri rosi i se desvelupa e ghe da el carateristego color a l’aqua.

I swahili i le chiama Bahari ya Shamu, e i ebrei Yan Suph. Tute e do i nomi i vol dir el mar de le cane, che el se riferise a i caneti che se cata su le rive salmastre, specialmente su la costa de la penisola araba.

El Mar Roso el xe stà de frecuente testimone de avegnimenti storici antichi.

El pasagio de i ebrei soto la diresion de Mosé el xe forse el pi famoso fato storico. Bisogna parò tegnar conto che la Bibia la parla de el Mar Roso. Ma che i ebrei i xe facilmente pasà da na zona paludosa (caneto = mar de le cane) su l’istmo tra Egito e Sinai, el nome gavaria creà la confusion. Bisogna anca tegnar in conto che in ebraico no ghe distinsion tra mar e lago.
I antichi egisiani i ga esplorà le rive e i gavea na flota mercantile che la navigana in sto mar.
I greci i le usava par rivar in Eritrea e andar a le indie.
I fenici, i xe pasà de quà par far el periplo de l’Africa.

I egisiani e i romani i volea far on canal par metar el Mar Roso in comunicasion co el Mediteraneo. Anca i venexiani i gavea fato la stesa proposta a i mameluchi par poder far marcà co l’India e tajar fora i progeti de espansion de portoghexi, olandexi e inglexi.
I progeti del Canal de Suez i xe stà preparà da Luigi Negrelli, trentin de Fiera de Primiero, e la realizasion pràtega la xe stà fata da Ferdinand de Lepess in tel 1869.

Co l’Arabia la sa stacà da l’Africa par el movimento de le plache tetoniche, l’acqua de l’Oceano Indian le xe entrade inte la fesura. El Mar Roso el stà oncora slargandose. La Rift Valley la pasa soto el mar.

• Wikimedia Commons el detien imàjini o altri file so Mar Roso
• Scholia el detien schemi gràfeghi so Mar Roso