Mar d'Azov
(ru) Азовское море  | |||||
 | |||||
| Sorte | Mar e baja | ||||
|---|---|---|---|---|---|
| Parte de | Mar Moro | ||||
| Posto | |||||
| Nasion rivaresca | Rùsia e Ucràina | ||||
| |||||
| Rente a | Republica Autonoma de Crimia | ||||
| Formà da | |||||
| Conca idrogràfega | conca del mar de Azov | ||||
| Dati e sifre | |||||
| Prodondità | 14,5 m | ||||
| Mezura | 135 ( ) × 340 ( ) km | ||||
| Perìmetro | 1 472 km | ||||
| Àrea | 37 600 km² | ||||
| Mezure e indegadori | |||||
| Sałinità | 11,5 g/l | ||||
| Vołumi | 5,6 km³ | ||||
|
| |||||
El Mar d'Azov (in ucrain Азовське море, Azovs'ke more, in ruso Азовское море, Azovskoïe more) el xe ła sesion setentrional del Mar Negro.
El nome vien da ła sità tartara de Azov, so l'estuario del Don. 'Ntel'antichità el xe sta ciamà co un mucio de nomi difarenti dai diversi popołi che ło ga navegà: se ricorda Łago Meotide usà dai gresi antichi, e Pałù Meotide usà dai romani antichi, (intranbi łi vien dal nome de ła tribù dei Meoti che ła viveva so' łe so coste orientałi), Mar de łe Zabache usà intel' medioevo da venesiani e genoesi.
El xe łimitado a sud da ła Penixoła de Taman e da ła Penixoła de Cerċ, parte de ła Penixoła de Crimea, a ovest da ła Penixoła de Crimea, a nord e est diretamente dal continente eoropeo[1].
El xe cołegà al corpo d'aqua prinsipal dal Streto de Cerċ.
Ła so calanche pì grande ła xe: el Golfo de Taganrog a nordest, ła Łaguna de Sivaš[2] a ovest, e ła Baja de Temriuc a sudest.
Zeografia Fixica
Converse un area picenina e ła so fondità, che riva al masimo a 14 m, ła xe a pì scarsa de tuto el mondo.
El Mar de Azov ga un fondal particołarmente uniforme; el xe drio inpenirse cusì rapidamente de detriti, che ła fondità ła varia in continuaxion e i dati rełativi łi xe de frecuente discocordanti.
El se cata tuto inte ła ła piataforma continental eoropea, e el costituise ła parte somersa del Basin del Mar Negro Setentrional e del Basin del Cuban. El jera dexà presente intel periodo glasial Vurmian.
El xe misià in superfisie da na circołaxion co verso antiorario. L'anpiesa de ła marea ła xe inportante (5,5 m).
Ła so tenperadura in superfisie varia tanto co łe stagioni: de inverno ghe xe grandi parti del mar che łe giasa, in istà ła riva a 23,5 °C. Ła so sałinità in superfisie ła xe pitosto basa (12‰) e risente tanto de ła vicinanxa dei fiumi, łe parti pì distanti da łe fonti de acua dolse łe xe ipersałine.
El xe caraterixà da coste base e pałudoxe, co presenxa de cordoni sabioxi che separa sia łagune che liman. Ła Fresa de Arabat[3] el xe el pì łongo (110 km), e el separa el Mar d'Azov da ła łaguna altamente sałina de Sivaš.
Łi fiumi pì inportanti che łi se jeta intełe so acue łi xe el Don, l'Cuban e el Ieisc.
Zeografia umana
El bagna łe coste de l'Ucraina (crai de Crimia, Cerson, Saporose, e de ła Rusia (oblast de Crasnodar e de Rostov sol Don).
Łe sità pì grandi łe xe Mariupol, Bergiansc, Taganrog, Eisc.
El xe un mar pescoxo, se cata storioni, sander, abramidi, pesi perla; intel' ultimo decenio ga ciapà pie anca l'iticoltura del storion.
Inteła Łaguna de Sivaš se produse sal marin.
El trafego marino de pasejeri e merci el xe intenso, el xe aumentà in modo significativo dal 1952, cuando se ga verto el Canal Volga-Don.
Note
- ↑ Par alcuni giografi łe coste orientałi łe xe dexà coste asiatiche
- ↑ Nota anca cofà Lago de Sivaš e Golfo de Sivaš
- ↑ Nota anca cofà Lido de Arabat
Altri projeti
Wikimedia Commons el detien imàjini o altri file so Mar d'Azov
el detien schemi gràfeghi so
| Controło de autorità | VIAF (EN) 916144783190109830229 · LCCN (EN) sh85010667 · GND (DE) 4003230-9 · BNF (FR) cb131908224 (data) · BNE (ES) XX5418102 (data) · WorldCat Identities (EN) 916144783190109830229 |
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
