Marco Marzocca

Marco Marzocca
	;
Biografia
Nasimènto	14 de setenbre del 1962 (63 ani); Roma
Dati personałi
Formasion	Sapienza Università di Roma
Atività
Ocupasion	comediante, ator, ator de tełevixion
Sito web	marcomarzocca.com → (2016)

Marco Marzocca (Roma, 14 de setenbre 1962^[1]) el ze un comico, atore e imitator italian.

Biografia

Łaureà in farmacia a l' Sapienza co abiłitasion ed ezame de stato, dopo aver łaorà cofà spesiałe el taca łaorar in tełevizion inte'l 1994 come comico inte'l programa tełevizivo Tunnel so Rai 3 al fianco de Corrado Guzzanti, co cui drìoman el reçita in racuanti spetacołi teatrałi come Millenovecentonovantadieci, ...la seconda che hai detto! e Recital, e in programi tełevizivi cofà L'ottavo nano e Il caso Scafroglia. El gran suceso tełevizivo ło razonze inte i ani domiłe co ła serie tełeviziva Distretto di Polizia, indove el intarpreta l'inzenuo połisiioto Ugo Lombardi. Nonostante ła notorietà, el continua par alcuni ani a łaorar inte ła spesiarìa de fameja.

In chełi ani el conose in una chat na dona cołonbiana, co cui el se spoza inte'l 2000 e da cui el ga do fiołi; Marzocca ripropone ła so vicenda personałe in Distretto, fazendo vivar na storia anałoga al so personazo. Inte'l 2003 el ga partesipà a Raiot - Armi di distrazione di massa. Inte'l 2006 el ze inte'l cast de ła serie de Rai 1 Raccontami, co ła regia de Riccardo Donna e Tiziana Aristarco, inte'l ròło del sacerdote Padre Negoziante. Senpre dal 2006 el ze inte'l cast de Zelig, indove el intarpreta Ariel, un curiozo cołaborador mestego fiłipin de Claudio Bisio (personazo che'l gaveva za intarpretà inte Il caso Scafroglia), a cui da l'edision 2008 el afianca el personazo del Notaio.

So ła tełevizion satełitar el ga comentà, inte i pani de Ariel, ła segonda stazon de Takeshi's Castle insieme a Stefano Sarcinelli, e'l ze stà ator inte'l programa Gamebuster in onda so GXT. In radio el parteçipa saltuariamente a ła trasmision 610, conduzesta e reałizada da Lillo & Greg so Rai Radio 2. Dal 2011 el ze interprete de diversi spot de ła TIM insieme a Bianca Balti e Neri Marcorè, e dal zugno de'l steso ano el ze ancora al fianco de Corrado Guzzanti inte'l programa comico de Sky Uno Aniene.

Filmografia

Sìnema

S.P.Q.R. - 2000 e ½ anni fa, regia de Carlo Vanzina (1994)
Bell'amico, regia de Luca D'Ascanio (2002)
Fascisti su Marte, regia de Corrado Guzzanti e Igor Skofic (2006)
Mi fido di te, regia de Massimo Venier (2007)
Un fantastico via vai, regia de Leonardo Pieraccioni (2013)
Un boss in salotto, regia de Luca Miniero (2014)
La sedia della felicità, regia de Carlo Mazzacurati (2014)
Buoni a nulla, regia de Gianni Di Gregorio (2014)
On Air - Storia di un successo, regia de Davide Simon Mazzoli (2016)
D.N.A. - Decisamente non adatti, regia de Lillo & Greg (2020)

Tełevizion

Distretto di polizia, registi vari (Canale 5, 2000-2012)
Cuore contro cuore, regia de Riccardo Mosca (Canale 5, 2004)
Belli dentro, registi vari (Canale 5, 2006) cameo
Raccontami, regia de Tiziana Aristarco e Riccardo Donna (Rai 1, 2006-2008)
Una pallottola nel cuore, regia de Luca Manfredi (Rai 1, 2014-2018)
Tutti insieme all'improvviso, regia de Francesco Pavolini (Canale 5, 2016)

Notasion

↑ Marco Marzoccacinquantamila.corriere.it.

Controło de autorità	VIAF (EN) 90258124 · ISNI (EN) 0000 0004 6414 9461 · El vałore MODV532878 de SBN no el xe mija bon. · LCCN (EN) no2016018961 · WorldCat Identities (EN) no2016-018961

[1] Marco Marzoccacinquantamila.corriere.it.

[1]