Mars Science Laboratory

	Mars Science Laboratory
Tipo de mision	sonda spasiałe
Operador	NASA
NSSDCA ID	2011-070A
Núm. SATCAT	37936
Ligo web	Web oficial (inglezo)
Propietà de ła nave
Fabregante	Jet Propulsion Laboratory; Boeing; Lockheed Martin
Masa	3 840,5 chiłogramoni
Inici de la mision
Lansamento spasiałe
Data	26 de novenbre del 2011
Lloc	Conpleso de lanso 41, Stasion de Forsa Spasiałe de Cape Canaveral
Veìcuło de lansamento	Atlas V 541
Contratista	United Launch Alliance
Aterajo soft
Data	6 de agosto del 2012
Liogo	Bradbury Landing; 4°35′22.2″S 137°26′30.08″E
	Programma Flagship (it)

Mars Science Laboratory (MSL) el ze na mision de esplorasion del pianeta Marte de ła NASA. La mision ła ze prinsipalmente formada da łe atività del rover nomenà Curiosity, che el ze sta lansà inte el 26 de novenbre 2011 da Cape Canaveral^[1] e aterà su Marte inte el 6 de agosto 2012^[2]. Suito dopo de l'aterajo, fazesto co bon èzito doparando el mètodo EDL (entry, descent, landing), pì precizo de łe mision precedentemente mandae inte el pianeta^[3], el rover el ga scumisià a mandar de łe imàzeni da ła superfise. La durada de ła mision ła zera prevedesta in almanco un ano marsian (sirca 2 ani terestri) ma ła ze oncora uncó in corso col fin de investigare su ła pasada e prezente capasità de Marte de sostegnere ła vita.

Par consentire anàłize pì fonde, Curiosity el trasporta strumenti sientìfeghi, provizionai da ła comunità internasionałe, pì vansai in confronto a cuełi de calsìase altra mision fata inte el pasà inte el pianeta roso; el ze in pì sirca sìncue volte pì pezante e du volte pì longo dei rover Spirit e Opportunity rivai inte el pianeta inte el 2004.

Inte el 22 de lujo del 2011 ła NASA ła ghea anunsà ła zona verso andove ła sonda el saria stada inviada: el cratero Gale^[4]. El lanso el se ga de consevensa gavesto in novenbre de l'isteso ano par mezo de un vetore Atlas V, e Curiosity el ze inte-ła-fin aterà co bon-èzito su Marte inte el 6 de agosto del 2012 a łe 5:14:39 boti UTC, 7:14:39 ora vèneta, 8 mezi dopo^[5]. Durante de ła so atività su Marte, el robot el anałizarà dozene de canpioni del teren e de ròcia marsiana.