Mattia Collauto

Mattia Collauto (Venesia, 10 de novenbre del 1973) el xe on dirixente del Asociasion de Bałon de Venesia e xe stà on xugador de baeon vèneto.

Cariera

Zogador

El taca ła cariera ntel Como

, 'ndo miłita par sìe stazón. El pasa po' a ła Cremonese co cui otien ła promosión da ła Serie C1 a ła Serie B. Dopo un ano pasà ne ła serie B pasa al Bari dove zoga par 5 stazón (di cui do in Serie A da protagonista). A ła fin el pasa al Venesia, scuadra de ła so sità, co ła cuała se vadagna ła fasa de capitàn co na serie de tante prexense e prove de fedeltà, el resta in scuadra siben sie capità do fałimenti in cuatro ani e na progresiva retrocesion da ła Serie B a ła Serie D. Domenega 31 de otobre del 2010, in tel Stadio Pierluigi Penzo, Mattia Collauto gà festegià łe 200 prexense in gare uficiałi co ła maja naransoverdn. Dopo n'ultema stazón coi łagunari che razonze ła promosión intrà i profesionisti e i vinse el Scudeto Diłetanti, el 18 de lujo del 2012 el anuncia de vołerse retiràr dal calcio zogà in una confarensa stanpa.

Dirigente

In tel 2014 el deventa el novo responsabiłe del setore zoveni del Asociasion de Bałon de Venesia.

Carateristeghe tecnighe

El gera un esterno de sentrocanpo che podea zogàr sia so ła drèta che so ła sànca. Inte i ultemi ani dei so vinti ani de carièra da profesionista el gà zogà anca inte el riòło de trecuartista, interno dreto de sentrocanpo e anca tersìn drèto.^{[Fonte nesesària]}