Misile

Un misile el xe, in generale, un sinonimo de proietile, osia calcoxa che el xe lansà (o spinto) par farghe parcorare na traietoria balistega. El termene el viene doparà prinsipalmente par un ojeto dotà de propulsion a razo e munio de un sistema de guida.

El termene “misile” deriva dal latin missĭlis, derivasion de missus partisipio pasà de mittĕre cioè menare, tirare. ^[1] Significa quindi menà (inte el senso de mandà), tirà. Questo in riferimento a le glandes missilis osia “ghiande-missili” tirae dai antichi frombolieri romani contro i nemighi. ^[2]

In xenerale, se dopara el termine razo par un sistema no guidà e misile par un sistema guidà: in entranbi i casi i xe dotai de motori a reasion par la so propulsion, i sipia exoreatori (soratuto par i misili da crosera) o endoreatori.

I misili i xe doparai soratuto inte la guera fa mezi de trasporto de na forsa distrutiva (solitamente na testada esploxiva) so un obietivo. Oltre a l'esploxivo, altre forme de carghi distrutivi prexenti so i misili i poe esare testade chimeghe, bioloxeghe o radioative. ^[3] A volte i xe stai doparai par trasportare carghi destinai a sabotare tenoloxicamente le infrastruture senza nuòsare a le persone. Ad exenpio, inte la guera del Golfo, dei misili Cruise (misili da crosera) i xe stai doparai par disabilitare serte sentrali eletreghe grasie a dei cortosircuiti cauxai da strisiete de materiale condutore disperse inte l'area de le interconesion de la sentrale a la rete eletrega.

I misili che i coverxe gran parte de la so traietoria in volo sensa spinta, e che no i dopara la variazione de l'aerodinamega par canbiar repentinamente diresion o par inseguire un bersajo, i vien ciamai "misili balistegi" (parché i xe in gran parte governai solo da le lexi de la balistega).

La gama dei misili la xe molto vasta: poe esare considerà misile anca na pietra lansà da na fionda o na catapulta, fin a rivar a un Minuteman III, un misile balistego intercontinentale (ICBM) co testade nucleari multiple. I moderni ICBM, i pì grandi misili findeso svilupai, i raprexenta la pì distrutiva arma mai creada da l'omo.

• misile aria-aria (AAM in inglese)
• misile aria-superfisie (AGM in inglese)
• misile superfisie-superfisie (SSM in inglese)
• misile anti-balistego (ABM in inglese)
• misile anti-satelite (ASAT in inglese)
• misile anti-nave (ASM o AShM in inglese)
• misile guidà anticaro (ATGM in inglese)
• misile tera-aria (SAM in inglese)
• misile filoguidà (TOW in inglese)
• misile da crosera (GLCM o ALCM o SLCM in inglese)
• Misile balistego
  • Misile balistego de curto rajo (SRBM in inglese)
  • Misile balistego de medio rajo (MRBM in inglese)
  • Misile balistego de rajo intermedio (IRBM in inglese)
  • Misile balistego intercontinentae (ICBM in inglese)
  • Misile balistego a guida indefinia (URBM)
  • Misile balistego lansà da sotomarini (SLBM in inglese)
  • Misile balistego aviolansà (ALBM in inglese)
  • Misile balistego tatico

1. ↑ oed.com, https://www.oed.com/dictionary/missile_n?tab=factsheet#36366705 Titolo mancante par url url (juto).
2. ↑ GHIANDE-MISSILE: ANTICHI PROIETTILI ISCRITTI E INSULTI DI GUERRAarcheotime.com, 21 gennaio 2015. Entrada il 25 maggio 2017 (archivià dal URL orizenałe l'8 dicembre 2017 Il valore del parametro dataarchivio non combacia con la data decodificata dall'URL: 8 de disenbre 2017 (juto)).
3. ↑ en.wikipedia.org, https://en.wikipedia.org/wiki/Missile#cite_note-33 Titolo mancante par url url (juto).

v t e Misili
Balisteghi par gitada	SRBM (fin 1000 km)  · MRBM (1.000-3.000 km) · IRBM (3.000-5.500 km) · ICBM (pì de 5.500 km) · URBM (gitada indefinia)
Balisteghi par piataforma	ALBM (aviolansà) · SLBM (sublansà)