Mombasa

Mombasa

Mombasa (en)
Pozision
4°03′S 39°40′E4°03′S, 39°40′E (Monbaxa)
Stato	Kenya
Contee del Kenya (it)	contea de Mombasa
Cavedałe de	Africa Orientale Britannica (it) contea de Mombasa
Popołasion
Totałe	1 208 333 (2019)
Densità	4 100,21 hab./km²
Idioma	suahili inglezo
Zeografia
Àrea	294,7 km²
Altitùdene	50 m
Dati istòreghi
Avegnimento ciave	Asèdio de Fort Jesus
Organizasion pułìtega
Cao de goerno	Abdulsamad Shariff Nassir (2022)
Menbro de	Organization of World Heritage Cities (en) [1]
Còdazi de identifegasion
Còdaze postałe	80100
Fuzo oràrio	UTC+3
Prefiso tełefònego	041
Sito web	mombasa.go.ke

Mombasa la xe la seconda sità del Kenya. La se cata su la costa. Mombasa la xe anca on centro turistico e el porto pi importante de el paexe, co conesion co Uganda, Rwanda, Sudan, e Congo. La sità la xe costruia su l’ixola de Mvita e colegà a la tera ferma da do ponti, el Makupa Causeway che la colega a la strada par Nairobi, e el Nyali, che la colega a la cota nord. A sud, l’ixola de Mombasa la se colega a la tera ferma co i tragheti de Likoni e Mtongwe.

L’ixola de Mombasa la xe abitada da almanco 1.500 ani da i dodese grupi che forma la fameja de l’etnia mjikenda. La sità de Mombasa la xe nata co i marcanti arabi omaniti, persiani e indiani ga scominsià a vegnar qi par far marcà co i mjikenda de la costa. El contato de sti popoli foresti co la popolasion locale ga dato vita a la cultura swahili. El islam l’è rivà su le coste verso el secolo VIII e ghe testimonianze antiche de la presensa de i musulmani longo tuta la costa (moschee de Lamu, Ghedi e Mtwana). Mombasa xera el porto dove se podea comprar avorie, oro e spesie. I ultimi studi su la trata de i s-ciavi dixe che i porti interesà xera Malindi e Shimoni. No sembra che Mombasa fuse anca on punto de arivo de le carovane de sciavi. La spedisin cinese de Zheng He ga aprodà a Mombasa in tel 1415. I grandi viagiatori arabi al-Idrisi (1151) e ibn Battuta (1331) parla de Mombasa ne i so scriti. I portoghexi xe rivà a Mombasa in tel 1498, co Vasco de Gama che esplorava le coste de l’Africa par verzar la via par le Indie. I portoghexi ga sachegià la sità in tel 1500 e 1528, e ga costruio on forte (Fort Jesus) che controla l’entrada del Tudor Creek, in de i do trati de mar che separa l’ixola da la tera ferma. En tel 1638, Mombasa xera na colonia portoghexe soto el controlo de Goa (India) ma la xe pasà soto el sultanato de Oman in tel 1698, controlà da el sultan de Zanzibar. La fameja de i Mazrui xera i governatori (liwali) locali. I inglexi xe rivà in tel 1824, ma i ga tegnù la sità solo par do ani. Mombasa la xe diventà na colonia inglexe solo in tel 1895. Co la costrusion de la ferovia par l’Uganda, la sità la sa sgrandio. Da alora, la storia de Mombasa l’è quela del Kenya, anca se uficialmente, Mombasa xe restada soto Zanzibar fin a l’indipendensa.

La sità de Mombasa la xe on importante porto de la costa orientale de l’Africa. El porto serve el Kenya, ma anca altre nasion che no ga sboco sul mar. Industrie pesanti le se cata su l’ixola de Mombasa o su la teraferma rente a l’ixola. Altre industri importanti xe quele de la trasformasion de prodoti agricoli, del petrolio e de la lavorasion de el sisal. Mombasa la xe anca n’atrativa turistica. La sità vecia, Fort Jesus e le spiage de la costa ie visità da on milion de turisti ogni ano.

La popolasion locale la xe formà da i mjikenda. Ancò Mombasa la xe na sità multi-etnica, co rapresentanti de tute le etnie kenyane, eoropei e axiatici. La majoria de i abitanti de ancò no la xe de la costa.

La religion tradisionale de i mjikenda la xe oncora praticà, e la xe comunque importante anca par la popolasion musulmana. No ghe carica sociale o pułìtega che posa esar afidà a na persona se no ghe la benedision de i ansiani mjikenda. I musulmani xera la majoria fin a pochi ani fa. Da diexe ani a stà parte, le cexe cristiane ga la majoria anca a Mombasa.

1. ↑ URL de refarensa: https://www.ovpm.org/wp-content/uploads/2024/03/liste-villes-en-regle-pour-page-web12-03-2024.pdf. Data de consultasion: 31 de disenbre del 2023. URL del archìvio: https://web.archive.org/web/20240528143447/https://www.ovpm.org/members/cities/.

• Wikimedia Commons el detien imàjini o altri file so Mombasa
• Scholia el detien schemi gràfeghi so Mombasa