Oligarchia

L'ołigarchia (dal greco "oligoi" (ὀλίγοι)= póchi e "archè" (ἀρχή) = poder, governo) ła xe na forma de goerno andove comanda na minoransa, un grupo streto de persone e el xe ciamà anca el "Goerno de Póchi".

Ne l'antica Grecia el termine oligarchia l'indicava prinsipalmente el goerno de na clase sielta in base al censo, inveze che a la nàsita, requisito essenzial del goerno de matrice aristocratica.

Ne l'Atene del V secolo a.C. ghe xe stà el goerno oligarchico dei "Quatrozento" inte el 411 a.C. e el regime dei Trenta tiranni del 404 a.C.

Ne la tradizion del pensiero filosofico greco, sistematizà da Aristotele, l'oligarchia la xe na forma de governo "trista", mìa parché antidemocratica, ma parché quei póchi i esercita el potere indebitamente, o in quanto no i ghe n'à mìa el dirito o in quanto i lo fa violando le leggi o, infine, in quanto i lo esercita favorendo i interessi particolaristici a scapito de quei de tuti quanti. Se, inveze, i póchi che esercita un potere i lo fa in maniera legitima e in vista de l'interesse xeneral, alora el so goerno el quelo dei mejo, e o sia n'aristocrazia. Secondo Aristotele l'oligarchia la xe donca la degenerazion de l'aristocrazia.

Ne la tradizion del pensiero osidental se ga conservà a longo, da l'antichità al Medioevo, el concetto che un goerno de póchi nol xe mia tristo in sé ma solo in quanto i pochi i governa mal. Ne l'età moderna inveze se ga progressivamente afermà la concezion democratica e, con ela, la tesi che un goerno de pochi el xe, in quanto tale, un goerno tristo: un goerno bon el xe quelo inte el cuało xe la magioranza (i più) che goerna.

• Wikimedia Commons el detien imàjini o altri file so ołigarchia
• Scholia el detien schemi gràfeghi so Oligarchia