OpenStreetMap
  | |
 | |
| Version de scumìsio | 1° de lujo del 2004 |
|---|---|
| Tipo | comunità dizitałe, crowdsourced project (en)  , progetto comunitario (it) , software lìbaro, open data project (en) , registered service mark (en) , Setore econòmego, contegnuo lìbaro, internet map service (en) , mapping project (en) e base di dati spaziale (it) |
| Disponìbiłe in | |
| Caratarìsteghe tècneghe | |
| Scuadra | |
| Creatore | Steve Coast |
    | |
Open Street Map (OSM) el xe un projeto cołaborativo finałixà a crear mape libare del mondo. Łe mape le vien creae uxando dati ricavai da ricevidori GPS portatiłi, someje aeree e altre risorse libare.
Open Street Map xe stà ispirà da siti cofà Wikipedia. I utenti registrai i połe cargare inte el database del projeto traçe GPS e modifegare i dati vetoriałi uxando editor cofà JOSM o Potlatch.
Storia
OSM el xe stà fondà inte el lujo 2004 da Steve Coast. Inte el 2006 xe sta creà na fondasion che ła sostien el projeto jutando ła so cresita e el so sviłupo.
Produsion de łe mape
Tènica
De baxe, i dati pa' ła reałixasion de łe mape i vien rancurai, traverso soralóghi sol teritorio, da vołonatari co unità GPS portatiłi. Łe informasion tolte su łe vien inserie via computer inte el database, in formato vetoriałe.
Resentemente ła disponibiłità de someje aeree e de altri dati da enti comerçałi e goernativi ga vełocixà sto laoro de racolta e ga permeso de inserir i uxi del terén co pì precixion. Ła conversion e l'inportasion de grandi baxi de dati, co łe vien mese a dispoxision co licensa libara, łe xe afidae a de i tènici.
Soralóghi sol teritorio
I soralóghi sol teritorio i vien fati da vołontari (ciamai "mapatori") a pie, in bicicréta, machina, treno o calsiasi altro mexo de trasporto, uxando na unità GPS in conbinasion co altri mexi pa' notarse informasion axuntive: i pì tenołoxisi i dopara rejistratori vocałi, fotocamare dixitałi o altro, ma xe sufisente un blocheto pa' i apunti e na péna (o un lapis). De sołito i vołontari i laora in sołitaria ma ogni tanto vien organixai de i mapping party, soralóghi de grupo a i cuałi partesipa un bon numaro de vołontari.
Visto che łe faxi de racolta e cargamento de i dati łe xe separae da ła faxe de modifega de i ogeti, xe posìbiłe contribuir al projeto anca sensa 'ver na unità GPS. Soratuto controłando i dati existenti, corexendo i erori e xontando informasion sfrutando ła personałe conosensa del teritorio.
Dati da fonti goernative
Serte agensie goernative ga riłasà i propi dati co license conpatìbiłi co OpenStreetMap. Cuesto xe suceso soratuto inte i Stati Unii andove che i dati del goerno federałe, par leje, nó i połe esar coerti da dirito d'autor. In Itałia el ISTAT ga meso a dispoxision łe coordinate de i sentri abitai e i confini de rejon, provinse e comuni. I comuni de Meran, Schio e Storo i ga asunto ati aministrativi formałi pa' rendar libari i dati giografisi in so poseso.
Dati de orixene comerçałe
Un fià de conpagnie comerçałi łe ga meso a dispoxision i so dati par el projeto licensiandołi co na licensa adeguà. A exenpio Yahoo! e Bing ga meso a dispoxision le someje aeree cofà layer de sorapoxision inte i software de editing del projeto.
Licensa
I dati de OpenStreetMap atualmente i xe publicai co na licensa CC-BY-SA ma el projeto el xe drio pasar a na nova licensa ciamà Open Database License (ODbL), pì adata a un database de dati giografisi
Formato de i dati
OpenStreetMap el uxa na strutura dati topołoxica:
- I nodes (in veneto gropi) i xe ponti co poxision ziogràfega.
- Łe ways (in veneto vie) łe xe liste de nodes, che łe raprexenta na połilinea o un połigono.
- Łe relation (in veneto rełasion) łe xe grupi de nodes, ways o relation a i cuałi połe esare asegnae precixe propietà.
- I tag (in veneto etichete) i połe esar aplicai a nodes, ways o relation e i consiste in copie nome=vałore.
Liganbi foresti
Wikimedia Commons el detien imàjini o altri file so OpenStreetMap
el detien schemi gràfeghi so
| Controło de autorità | VIAF (EN) 184588430 · LCCN (EN) n2011027061 · GND (DE) 1067339671 · BNF (FR) cb16993444v (data) · WorldCat Identities (EN) n2011-027061 |
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
