Ora!

Ora! (en diałeto veneto: "Desso!), precedentemente nominà movimento Drin Drin, ^[1] el xe un partio połitico sentrista e liberałe itałian.

El 7 lujo 2024, l’inprenditor Alberto Forchielli durante un direta su YouTube ciamà Drin Drin, el ga parlà de un articoło publicà su Il Sole 24 Ore che riportava che tra el 2008 e el 2022, 525.000 zovani italiani xe scampài a l’estaro in serca de stipendi pi alti e oportunità de laoro pi bèe. Quando el profesor de economia Michele Boldrin el ga parlà de ła mancansa de reasion tra i zovani, Forchielli el ga dito che un novo partio ispirà dałe idee de Fare per fermare il declino (el partio che Boldrin el ga fondà nel 2012, en diałeto veneto: Far par fermar el declìn) el podeva vér suceso e ofrir nova speransa ai zovani in Itałia. Boldrin no el jera tanto convnto ma el ga sfidà i so spetadori a catar 1000 persone che gavevan voja de farse vołontarie par un novo partio mandandoghe na letara eletronica entro quindexe dì. ^[2] L’obietivo el xe stà ragiunto solche in una note e quindexe dì dopo, durante una direta su YouTube, i ga anuncià che 9100 persone gavevan mandà na mail. ^[3] De conseguensa, i ga deciso de lanciar na asociasion, ciamada intanto Drin Drin, come base pa un novo partio, visto che tuti e do i se ga rifiutà de deventar i capi del novo partio. ^{[4] [5]} El 6 de setenbre, el statuto el xe stà deposità, ^[6] e el 15 de setenbre, el sito uficiałe el xe stà lansà, lassando che ła xente se iscrivesse a sta asociasion. ^[3]

I menbri i pol discutar łe so idee in diciasete grupi tematici su Discord, parché ogni grupo el xe responsabiłe de scrivare i so documenti par definir el manifesto del partio. Ogni comision ła ga canbià i documenti e łe texi doparando GitHub . El 18 majo 2025, co 13.000 menbri, pì de ła metà dei quałi i gaveva manco de 40 ani, ^[7] xe pasà ła scadenza pa iscriverse pa vér el dirito de voto nel Congreso pa ła fondasion del partio, fato tra el 10 e el 12 otobre 2025. ^[8] Tuti i menbri iscriti i podeva candidarse come dełegai. Nel lujo 2025, xe stà tegnùe łe elesion interne e xe stà ełeti 373 dełegai. ^[9] El 1° otobre 2025, xe stà anuncià uficialmente el nome del novo partio połitego fondà: "Ora! Il Coraggio dell'Ovvio" (en diałeto veneto: "Desso! El corajo dell'ovio"). ^[1] I dełegai i ga frequentà na scoea de formasion połitica a Urbino e, al Congreso fondator, i ga eleto i 100 menbri de l’Asenblea, el comitato executivo, Boldrin come segretario, e Forchielli come presidente. ^{[10] [11]}

Dopo łe indicasión dei mesi precedenti, ^[12] Forchielli el ga anuncià formalmente el 10 de disenbre 2025 ła so candidatura pa sindaco de Bologna pa łe elesion comunałi del 2027, ^{[13] [14]} fazendo canpagna come candidà de " sentro estremo " contro el sindaco atuàl de sinistra Matteo Lepore, sercando apojo tra la destra locałe. ^[15]

Andrea Paccagnella, un contàbiłe, el jera candidà par Ora! inte łe elesion agiuntive pa ła circoscrision de Selvazzano Dentro, convocàde dopo łe dimision de Massimo Bitonci, e el ga otegnùo el 4,32% dełe preferense. ^{[16] [17] [18]}

Michele Boldrin el ga formalmente anuncià ła so candidatura a sindaco de Venesia pa łe elesion comunałi del 2026 co Ora!, durante na conferensa publica tegnùa ała sala M9 Meet a Mestre . ^{[19] [20]} El guida na coałision autonoma sentrista insentrà su l’inovasion e i servisi avansai, come alternativa ai tradisionałi blochi sentro-sinistra e sentro-destra. ^[21]

Dal 6 setenbre 2024 al 4 lujo 2025, Michele Boldrin e Alberto Forchielli i xe stà co-presidenti de l’asociasion Drin Drin. ^[6] Dal 4 lujo 2025 fin a l’11 otobre 2025, i ga funsionà rispetivamente come segretario ad interim e presidente. ^[22] Deso Michele Boldrin xe el segretario e Alberto Forchielli el presidente.

Nome (nato-morto)		Inisio del mandato	Fine del mandato	Durada
Segretario
	Michele Boldrin (nato 1956)	4 de lujo 2025	-	284 dì
Presidente
	Alberto Forchielli (nato 1955)	4 de lujo 2025	-	284 dì