Oryza sativa
  | |
| Dati | |
|---|---|
| Fonte de | rixo, Saccharum Granorum (en)  , Japonica rice (en) , Olio di riso (it) , rice seed oil (en) , germe di riso (it) e rice germ oil (en) |
| Piante | |
| Tipo de fruta | cariosside (it) |
| Tasonomia | |
| Regno | Plantae |
| Órdene | Poales |
| Fameja | Poaceae |
| Tribù | Oryzeae |
| Zènare | Oryza |
| Spece | Oryza sativa L., 1753 |
El rizo[1] (Oryza sativa L., dal grego antigo όρυζα óryza) ła ze na pianta erbasea anuałe de ła fameja de łe Poaceae, de orìzene axiatega.
Insieme a ła Oryza glaberrima, dal pericarpo pigmentà roso, cultivada in Africa, ła ze una de łe do spece de piante dal cuało se produze el "rizo" intendesto cofà magnare. L'Oryza sativa ła costituise ła stragranda majoransa del rizo produzesto, dato che eła soła ła fa sirca el 95% de ła superfise mondiałe cultivada.
Descrision
Ła ze na pianta erbàsea, alta da 120 a 195 cm (połe rivar anca ai 5 metri de altura) co raize aventìsie e enbrionałi, łe cuałe łe ga ła caratarìstega de sviłupar dei parenchìmi aerìfari, che i parmete al rizo de vìvar in anbiente acuàtego. El fusto (dito culmo) el prezenta intergropi cavi e gropi pieni e el se sviłupa in manjiera simiłara al formento.
Ła ga foje de color verdo ciaro, a forma de guàina, longhe racuanti sentìmetri e larghe do, co pełi bianchi, curti e spesi; ła ligula ła ze longa e ghe ze aurégołe pełoze.
A l'àpeze del steło el ga na panòcia (infioresensa a panìgolo) termenałe, a madurità pendente, costituia da spighete uniflore co fiori ermafrodii a sie stami e un pistiło; l'ovaja ła detien solché on òvuło. El fruto el ze na cariòside ełìtega o sfèrega co glume tanto svilupae, ła cariòside ła ze vestia (rizon), pezo 25–45 mg.
-
Sesion trasversale del fusto de ła pianta al microscopio -
Fiore vardà co microscopia a fluoresensa -
Pòłine del rizo al microscopio -
Pianta de rizo in madurasion -
Samesete de rizo inte ła pianta -
Oryza sativa -
Sameseta de rizo
Distribusion e habitat
Tasonomia
Sotospece
Ghe ze trè sotopece:
- ssp. indica, tìpega dei climi tropegałi, alto valor de marcào, cariòside longa e sótiłe, produtività mèdia e cultivada in India, Cina meridionale, Fiłipine, USA meridionale, Itàlia, Braziłe;
- ssp. japonica, tìpega dei climi tenperai, alta produsion, cariòside curta e tondada, baso vałore de marcà, cultivada in Japon, Corea, Cina setentrionale, USA, Ezito, Itàlia;
- ssp. javanica, di minore importanza.
Da łe difarenti sotospece łe deriva le varietà (ez. Arbòrio, Carnaroli, Originario, ecc.) difondeste par difarenti dòpari [2][3].
Cultivasion, la rizicoltua
Dòpari
El rizo el ze cultivà prinsipalmente par dòparo ałimentar.[4]
Altri dòpari del rizo i ze:[5]
- produsion del sakè, na bevida alcòłega otegnesta da ła so fermentasion
- produsion de farina de rizo par uzo zootècnego
- dòparo de łe roture de rizo inte ła produsion de ła bira
- produsion de l'àmido.
Aversità
Il ponteroło del rizo (Lissorhoptrus oryzophilus) el ze on inseto che el magna ła pianta del rizo sia inte łe foje che inte łe raize.
-
Foja de rizo infetada da Entyloma oryzae -
Efeti del nemàtode Aphelenchoides besseyi -
-
-
-
-
.jpg)
.jpg)
Notasion
- ↑ sevente altre grafie e varianse anca rixo e riso
- ↑ https://www.risoitaliano.eu/volano/ Archivià il 16 de majo 2021 in Internet Archive. Volano
- ↑ https://www.risoitaliano.eu/poseidone/ Archivià il 30 de disenbre 2020 in Internet Archive. Poseidone
- ↑ Védar Rizo (magnare).
- ↑ Errore script: la funzione "decode" non esiste. riso, in Treccani.it – Enciclopedie on line, Roma, Istituto dell'Enciclopedia Italiana.
Varda anca
Altri projeti
Wikimedia Commons el detien imàjini o altri file so Oryza sativa
Wikispecies el detien informasion so Oryza sativa
el detien schemi gràfeghi so
Linganbi foresti
- (EN) riceEnçiclopedia Britannica, Encyclopædia Britannica, Inc.
| Controło de autorità | NDL (EN, JA) 00564118 |
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
