POSIX

POSIX el xe el acrònimo de Portatiłe Operatío Sistema Intermuxo, e X última łétara de UNIX con el significà de ła jerensa de ła API (Se traduxaría cofà Sistema Operatío Portatiłe basà so UNIX).

Sti chi łi xe na fameja de stàndars de ciamade a el sistema operatío definío da el IEEE e spexifegà de modo formałe intel IEEE 1003. I xe drio ocuparse de evołusionar el intermuxo de el sistema operatío pa che na prezixa aplicasion ła se pòsa usar inte difarenti piataforme. Sti standar łi xe nati da on projeto de normalixasion de APIs e i descrive on insieme de intermuxi de aplicasion adatabiłi a na varietà granda de inplementasion de sistemi operatíi.

POSIX el spesifega i intermuxi de usuario e software a el sistema operatío in 15 documenti difarenti. La łínea de comandi standar e i intermuxi de scripting i se basa so Korn Shell. Altri programi a łivèło de usuario (user-level) e servisi i include awk. I servisi a łivèło de programa vosúi i ga rento definision de stàndars báxeghi de I/O, (file UNIX), terminal, e servisi de red. POSIX el spesifega anca na API pa łe łibraríe de threading, che ła xe on mucio popołar e ła xe utiłisà so racuanti sistemi operatíi.

Na serie de prove łe conpagna el stàndar POSIX. Le xe ciamà PCTS co ałusion a el acrònimo Posix Conformance Test Suite.

Da cuando ła IEEE ła ga scumisià a gaver prezi alti pa ła documentasion de POSIX, sensa drio ametare, soralconto, ła publicasion in łínea co i stàndars, a xe vegnesta fora na tendensia pa el uso de el modèło Single UNIX Specification. Sto modèło el xe verto, el aseta entrae da tuto el mondo e el stà łibaramente disponìbiłe so Internet. El xe stà creà da The Open Group.

El tèrmine POSIX el xe stà sujerío da Richard Stallman so dimanda de ła IEEE, che ła sercava on nome fásiłe da recordar.

Atualmente POSIX el se divide inte tre parti:

POSIX.1, Core Services (el xe pa łe ciamade ANSI C stàndars). El ga rento:
- Creasion e controło de prosesi
- Xegnałi
- Exesion de ponto flotante
- Exesion pa viołasion de segmento
- Exesion pa istrusion iłegałi
- Erori de el bus
- Tenporixadori
- Operasion de diretive (sora cualsevoja fs montà)
- Pipes
- Biblioteca C (Stàndar C)
- Istrusion de rento/fora e de controło de dispositíi (ioctl)
POSIX.1b, estension in continuo
- Planificasion (scheduling) co priorità
- Segnałi in continuo
- Tenporixadori
- Semáfori
- Intercanbio de mesaji (message passing)
- Memoria conpartía
- Rento/fora síncrona e axíncrona
- Blochi de memoria
POSIX.1c, estension pa Threads
- Creasion, controło e netesa de threads
- Planificasion (scheduling)
- Sincronixasion
- Manejo de segnałi