Piasa

Ła piasa in urbanistega, la xe un spasio publego indove che ghe xe un çentro abità, pì largo de le strade che là se pole incroxare intrà de lore. Fin dai tenpi antighi l'è el posto tìpico par farghe el marcà.

La piasa la ga difarenti funsionalità: La pole ver la funsion da parchejo par la sosta de veture, da postasion del marcà de paexe, la piasa çentrale tante olte la xe el posto andove ghe xe l'entrada dei majori edifiçi de la çità, come la sede del goerno, ciexe, comuni e altri tanti edifiçi. On aspeto fondamental par na piasa, xe che la sia çircondada da edifiçi che serve a tuto el publego, che la dà la posibilità de catarse intrà persone, e in sta cuà, njien solitamente organixae le funsion che pì ghe intaresa a le persone che le vive in chel momento in chela sità e in baxe a la so inportansa la sarà pì o men frecuentada.