Ponte dei Sospiri

Ponte dei Sospiri
Epònemo	sospiro
Dati
Sorte	Ponte pedonałe
Architeto	Antonio Contin
Costrusion	1614
Caraterìsteghe
Materiałe	piera d'Istria
Mezurasion	11  m ()
Traversa	rio de Pałaso
Pozision
	Venesia
Pozision	centro storico di Venezia (it)
45°26′02.6″N 12°20′27.1″E45°26′02.6″N, 12°20′27.1″E

El Ponte dei Sospiri, el ze un ponte che'l se cata a Venesia visin a Piasa San Marco ma in realtà za inte'l sestier de Castèło afasandose su Riva dei Sciavoni.

Ancora ancùo una de łe mazor atrasion turisteghe de ła sità de Venesia. El tèrmene sospiri el podarìa refarirse a i sospiri (susti) che i turisti i fa cuando in góndoła i ghe pasa soto, in realtà el se refarise a i prezonieri^[*].

'Sto ponte el pasa par el Rio de Pałaso cołegando co'l canal el Pałaso Dogal co łe prezoni Pionbi.

El Ponte dei Sospiri el ze costruìo in piera d'Istria, in stiłe baroco, e el ze stà reałizà su'l scominsio de'l XVI sècoło su prozeto de l'architeto Antonio Contin fio de Bernardo Contin par órdene de'l doze Marino Grimani, el cui stèma el ze scolpìo.

'Sto caratarìstego ponte de Venesia, situà a poca distansa da Piasa San Marco, el strabalsa el Rio de Pałaso cołegando co un dopio pasagio el Pałaso Dogal a łe Prezon Nove, el primo edifisio a'l mondo par èsar postataménte na prezon. El serviva da pasagio par i recluzi da łe dite Prezon a i ufisi de i Incuizidori de Stado par èsar zudegài.

Conosùo in tuto el mondo, el ze tirà zó da i foresti de onji parte, da i sołi do posti da i cuałi el ze oservabiłe, (oltra che da łe góndołe) o sia da'l Ponte de ła Canonica e da'l Ponte de ła Pagia. Ghe ze stà atribuìo 'sto nome parchè ła łezenda ła vol che, a i tenpi de ła Serenisima, i prezonieri, traversàndoło, i sospirase davanti a ła prospetiva de védar par l'ùltema volta el mondo fora da cueła prezon. Ła łezenda parò no ła ga miga fondaménto, anca parchè da l'interno de'l ponte ła vizuałe verso l'esterno scuazi no ła ghe ze. El tèrmene sospiri el sta a indegar soło l'ùltemo sospiro che i condanài i emetéva parché na volta condanài inte ła Repùblega de i Dozi no se podeva tornar indrìo.

Ghe xe alcune struture ciamàe Ponte dei Sospiri sia a Cambridge che ad Oxford, in Inghiltera che mostra cussì dapartuto ła notorietà de sta strutura. Curioxamente, ła segonda reciama in modo più significativo el Ponte de Rialto, e tute do ste struture apartien a college ciamài St.John's. Inaxonta, inte el Distretto di Barranco in Lima (cavedàl del Perù), ghe xe un Puente de los Suspiros, ponto enblematego de sto tegnér e un dei łoghi più romanteghi de ła sità.

Anca a New York existe na copia, o, par megio dir, na citasion modernixàda, che serve da cołegamento intra do edifici del conpleso de ła Metropolitan Life Insurance Company Tower gratacieło dichiaratamente ispirà al Canpaniel de San Marco.

• Pałaso Dogal
• Céxa de ła Pietà
• Céxa de San Zacaria
• Céxa Santa Maria dei Derełiti
• Muxeo Storego Naval
• Arsenal

• Antonio Contin
• Venesia
• Pionbi
• Pałaso Dogal
• Piasa San Marco

• Sito che consegia cossa vixitar nel sestièr de Casteło e minsona un fià de ła storia del Ponte dei Sospiri Archivià il 9 de novenbre 2011 in Internet Archive.
• L'hotel che xe visin al Ponte dei Sospiri Archivià il 14 de marso 2011 in Internet Archive.
• Storia del Ponte dei Sospiri Archivià il 20 de aprile 2013 in Internet Archive.
• Ponte dei Sospiri - Itineri segreti de Venesia Archivià il 16 de zunjo 2012 in Internet Archive.

• 
  El Ponte dei Sospiri visto dal Ponte de ła Pagia
• 
  Vista dal Ponte dei Sospiri
• 
  El Ponte dei Sospiri de Cambridge
• 
  El Ponte dei Sospiri de Oxford
• 
  Ła citasion del Ponte dei Sospiri a New York