Projeto:Cine/Convension

Ocio! Sta pajina no ła ga njancora vuo el consenso de ła comunidà Ła xè par sto motivo soło che no spigaso en faxe de laorasion e discusion.

Un film el xe considerà ensiclopedego se'l rispeta almanco uno de sti criteri:

1. el ga risevùo un premio inportante;
2. el ga vùo un gran suceso de publico;
3. el ga vùo un gran suceso infrà i critisi;
4. el xe un film rilevante inte ła cariera de un regista ensiclopedego.

I film in produsion no i xe ensiclopedisi, i deventarà ensiclopedisi na 'olta che i sarà usìi se i rispetarà uno de i criteri scriti sora.

Par i film TV vedare łe convension del projeto tełevixion.

Se fa riferimento al titoło orixenałe del film, se'l titoło orixenałe el xe in inglexe el resta in inglexe, se'l xe in itałian el resta in itałian, e vanti cusita. Se 'l tìtoło el xe in un alfabeto diverso se ga da doparar ła trasliterasion; in sti caxi sarìa fursi da crear anca un rimando dal "tìtoło internasionałe".

Se ghe xe bixogno de dixanbiguare, se dopara el modèl {{Se te serchi}}. E 'l titoło el vien sielto co sti criteri:

• Titoło (film) se chealtra voxe co'l titoło conpagno no ła xe un film
• Titoło (film ano) se anca chealtra voxe ła xe un film

Va doparà el modèl {{Film}}. Par łe istrusion su come conpilarlo se rimanda al manuałe del modèl.

El coreto incipit de ła voxe el xe sto cuà:

'''''Titoło orixenałe''''' ("tradusion in veneto del titoło orixenałe") el xe un [[film]] del [[ano de produsion]] direto da [[nome regista]].

El contegnuo de ła voxe el gavaria da prexentar:

• ła trama
• el sviłupo del projeto e łe riprexe
• na tabeła co i titołi co cui el xe usio inte i vari paexi
• i incasi al boteghin
• el parer de ła critega
• i riconosimenti otegnui

Se categorixa secondo el xenere del film. Se'l film el xe de pì xeneri se mete pì categorie.

Se ricorda che xe posibiłe metare de łe imaxene libare opure xontare un screenshot (se ciapà da un trailer online o da un DVD orixenałe, secondo łe apoxite prosedure). L'imaxene ła gavarà da raprexentar e'l film o i so protagonisti evitando de darghe al letor ecesive anticipasion so ła trama.

Tendensialmente łe locandine łe xe coerte dal copyright, donca no se pol cargarle.

Xe ensiclopedeghe łe voxe biografeghe de registi, atori, senegiadori e diretori de ła fotografia che i ga risevuo un riconosimento inportante o almanco na nomination a uno de sti premi.