Proverbio

Al proverbio ( la el latin proverbium) al ze na massima che la ga inte norme, judisi, detami o consilji esprimesti in modo curt e, tante olte, come metafora, e i ze stati cavadi da la esperjensa comun.De solito i riporta na verità (o quel che la zent la pensa che al sie vera): se diss difati che i proverbi i ze fruto de la sagesa popolar o de la cosideta filosofia popolar, ma ghe n'è chi che el diss che altro no i ze che la version codificada de loghi comuni.

(IT)

«I proverbi sono piccole sentenze, basate sull'esperienza e sul ragionamento dei nostri antichi saggi.»

— Miguel de Cervantes

I pol contegner similitudini. Metafore e similitudini le gnen ciapade da usi, costumi, legende de la popolasion che la ga inventà al proverbio ma tanti i ze comuni a parlade diverse. In ogni caso, i representa pur senpre an patrimonio cultural da difender e da salvaguardar, da' che i ne assa an segn de epoche passade, e i ne indica la strada che i ga fat i nostri avi.

Al studio dei proverbi al se ciama paremiologia.

• A dugar co el fogo, prim o dopo se se scota.
• Al can che baja no el mors.
• Al can de do paroi al mor da fan.
• Al Diaol al insegna a far le pignate, ma no i querci.
• Al lupo al pers al pel ma no al visio.
• Al on al propone, Dio al dispone.
• Al tenpo e la mort i ne guasta i disegni, e ne toca star fermi co i nostri ordegni.

• Beati i ultimi, se i primi i ga creanzha.

• Chi che al fa da sé al fa da re.
• Chi che al scanpa al pers la banca, e chi che ghe sa far al se la fa dar.
• Co el ingegno e co el ingano se passa fora mes al ano, co el ingano e co l'arte se passa fora quelaltra parte.

• Da San Gregorio Papa le sesile le passa l'aqua.

• Fata la lege, catà al inbrojo.

• Impara l'arte e metela da parte.

• La erba del vesin la ze senpre pì fresca.
• La union la fa la forsa.
• Le pjante se pol piegarle infin che le ze pisole
• La madre dei stupidi la ze senpre piena.

• Mejo an ovo incoi che na pita doman.
• Mejo viver an dì da leon che sento ani da seda.

• na pjoa de stajon la val de pì de un car de oro del paron.
• Non ghe n'è pedo sordo de chi che no ol sentir.
• No desmissiar al can che dorm.

• Ogni bel bal al stufa.
• Ogni madaja la ga al so revers.

• passà al santo, passà al miracol.
• Pita vecia fa bon brodo.

• Quel che man non prende canton de casa al rende.
• Quel che no el strosa al ingrassa.

• Ride polito chi che ride par ultimo.
• Rosso de sera, bon tenpo se spera. Ross de matina, al brut tenpo al se ravesina.

• Se la gata no la donde al lardo la diss che al ze parchè al ze ransio.

• Tute le strade le porta a Roma.

• Wikimedia Commons el detien imàjini o altri file so provèrbio
• Scholia el detien schemi gràfeghi so Proverbio