Repetitore
Un repetitore (ingleze: repeater), inte łe tełecomunicasion, el denòmena uno dispozitivo ełetrònego che el receve in entrada un segnałe e el retrasmete verso fora tipegamente co un segnałe a potensa pì alta cusita-ché ła propagasion de sto cuà ła posa vegner garantia anca a longhe distanse sensa na ecesiva atenuasion e/o degradasion.
Tecnołozia
Ghe ze tre tipi prinsipałi de inpianti:
- repetitore trasparente: un despozitivo anałòzego che el receve, anplìfega e retrasmete un segnałe de ingreso indiferentemente da ła so natura (analòzega o dizitałe), evitàndoghene l'ecesiva atenuasion fìzega in potensa;
- repetitore rezenerativo: un dispozitivo dizitałe che el receve, demòduła, rezènara o sia che el filtra, anplìfega, remòduła e el retrasmete un segnałe dizitałe permetìndoghene oltre che l'anplifegasion anca na rezenerasion totałe (reshaping) contro eventuałi efeti de destorsion.
- repetitore pasivo: un despozitivo no ałimentà che el lavora gràsie solché ai guadagni de łe antene e el ga el fin de sorpasar un ostàcoło canbiando diresionałità al segnałe ràdio recevente, sensa doparar anplifegasion ativa o rezenerasion.
Zestion dei dati
Ripetitore anałòzego
Sto tipo cuà el vien doparà inte i canałi che i trasmete dati soto forma de un segnałe anałòzego inte el cuało ła tension o ła corente ła ze proporsionałe a l'anpiesa del segnałe, cofà inte un segnałe àùdio. I repetitori anałòzeghi i ze formai da un anplifegatore lineare e i połe inclùdar filtri ełetròneghi par conpensar ła frecuensa e ła destorsion de faze inte ła lìnea.
Ripetitore dizitałe
Dizesto anca digipeater, el vien doparà in canałi che i trasmete dati doparando segnałi dizitałi binari, inte el cuało i dati i ze soto forma de inpulsi co solché du pusìbiłi vałori, che i raprezenta łe sifre binàrie 1 e 0. Un repetitore dizitałe el anplìfega el segnałe, e el połe anca retenprar, resincronizar e remodełar i inpulsi. Un repetitore che el fa łe funsion de retinadura o resincronizasion el połe vegner ciamà rezeneratore.
Notasion
Altri projeti
Wikimedia Commons el detien imàjini o altri file so Repetitore
Linganbi foresti
- (EN) repeaterEnçiclopedia Britannica, Encyclopædia Britannica, Inc.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
