Scugnizzo

Scugnizzo (pronunsià [ʃkuˈɲːit͡sːə]) ła ze na paroła napołetana, drioman entrada inte'l dòparo anca inte l' itałian, che'l ìndega el «berechìn de strada» a Napuli.^[1]

Łe prime atestasion de'l tèrmane łe resałe a'l 1895, cuando ch'A se ne rejistra el dòparo da parte de Ferdinando Russo: «In zergo, 'sti tozi, che i se invia spensieratamente par ła strada de łe càłcere e de'l domisilio coato, i vien ciamà scugnizzi». Inte'l 1897 zera stà publegà dei soneti de Russo intitolài propio 'E scugnizze. Ferdinando Russo el ga ciarìo ch'A se tratava de un tèrmane utilizà inte l'anbito de ła malavita napoletana^[2], e se conoseva za inte'l 1888.^[3] Le orizene de'l tèrmane łe vien fate resałir parò ai parìodo sucesivi a l''unifegasion d'Itałia a Torin.^[3] Drìo nantre teorie, el tèrmane "scugnizzo" el podeva derivar da'l verbo latin excuneare («rónper co forsa», «spacar»).^[4][5][6]

Inte ła cultura popołar, ła fegura de'l "scugnizzo", nonostante ła sia speso inpertinente e ineducada, ła vien resepìa come sinpàtega e pozitiva: par cuesto el vien speso sernìo come protagonista o parsonajo de film come L'ultimo scugnizzo (1938), Paisà (1946), Uno scugnizzo a New York (1984), Scugnizzi (1989).

Giulia Civita Franceschi ga sercà de rebaltar el stereòtipo de'l scugnizzo co un projeto educativo insentrà so ła recostrusion dei afeti.^[7]

Giovanni De Martino (1870-1935), ativo tra Parize e Napołi, el ze noto par ła raprezentasion^[8] de picołi busti de "scugnizzi" in bronzo dai trati reałìsteghi^[9], devenjendo noto anca come "Lo scultore dei bambini", par i cuałi el ga otenjesto arcuanti reconosimenti intarnasionałi, tra cui el premio spesiałe a'l "Salon de Parze" de'l Muzeo de'l Louvre inte'l 1900.^[10]

1. ↑ Definizione di scugnizzo, Dizionario italiano.
2. ↑ Lo scugnizzo Archivià il 27 de zenaro 2019 in Internet Archive. di Nicola De Blasi
3. ↑ ^{3,0 3,1} Nuove ipotesi per l'enigma etimologico di "scugnizzo"
4. ↑ Percorsi di libertà: esperienze di uno scugnizzo napoletano divenuto professore di Mariano D'Antonio.
5. ↑ Scugnizzotreccani.it.
6. ↑ Etimologia di scugnizzoquicampania.it.
7. ↑ R.A.M. - La nave asilo Caracciolo, RAI Storia.
8. ↑ Giovanni de Martino, Benezit Dictionary of Artists, Oxford Art Online, Oxford University Press.
9. ↑ Domenico Maggiore (1955), Arte e artisti dell'Ottocento napolitano e scuola di Posillipo: biografie di pittori, incisori, scultori e architetti, Napoli, Maggiore, pag. 405.
10. ↑ Mariantonietta Picone Petrusa (2000), Arte a Napoli dal 1920 al 1945: gli anni difficili, Napoli, Electa Napoli ISBN 9788843585298, pag. 325.

• Nicola De Blasi, Nuove ipotesi per l'enigma etimologico di "scugnizzo", in "Lingua e Stile, Rivista di storia della lingua italiana" 1/2011, pp. 71–100, doi: 10.1417/34818

• Wikimedia Commons el detien imàjini o altri file so Scugnizzo