Signifegà

El signifegà el xe on conceto esprimesto co segni che i połe èsar gràfegi, verbałi-orałi, o co segnałi o sesti. El signifegà el parmete de capir o esprìmare el senso, el vałore o el conegnuo del segno. Par el lenguista xenevrin Ferdinand de Saussure, el segno lenguìstego el xe costituio da ła union de on signifegà (on conceto, o sia ła nosion mentałe che ghemo de on determenà ojeto) co on signifegante (o sia na forma sonora, o na imàxene orativa).

In semàntega (ła disiplina che ła stùdia i raporti intrà segni e ojeti), segondo el clàsego modeło a trè ełeminti, el signifegà ła xe ła nosion o imàxene mentałe xenèrega che gavemo de on ojeto, ła cuała ła mèdia intrà ła paroła e ła roba. Par exénpio el conceto de àlbara el ne da ła manjiera de reconósarlo sia che el se tràtee de na ocara o de on pomaro. El signifegà el xe indegà grafegamente o fonetegamente dal segnifegante, mentre l'àlbara reałe al de fora de ła sfera lenguìstega el xe dixesto refarente. Se ga da notar che mentre el signifegà e el signifegante i xe senpre existii, el refarente el połe mancar o finir de exìstare (par exénpio inte łe parołe “Napoleon” o “unicorno”).

In semiòtega, el signifegà el xe uno dei vèrtexi del triàngoło semiòtego postułà da Charles Peirce, cofà mostrà inte ła figura de fianco.

Par cheło che revarda ła parte de realtà indegada, se destìngue in xènare intrà:

• denotasion, o sia cheło che na paroła ła ìndega par cheło che ła xe (omo, e el so signifegà de animałe rasionałe);
• rifarimento, o sia cheło che na paroła ła ìndega inte na fraxe determenada (chel'omo el xe alto).

• Ferdinand de Saussure (1959). Course in General Linguistics. New York: McGraw-Hill.