Siłicio

El siłízio^[1] el ze el elemento chímego deła tabuła periodega dełi elementi che el gà cofà sinboło Si, el ga vałensa 26, e númaro atomego 14.

El ze un semimetało e un semicondutor; el ze manco reativo de 'l so anałogo chímego, el carbònio.

Istoria

El siłízio (da 'l latin silex, silicis che signífega seltse) el vien identifegado per ła prima volta da Antoine Lavuazier intel 1787, e el vien sutsesivamente scanbia'o par un conposto da Humfrj Davji ne 'l 1800. Intel 1811 Gaj Lusac e Tsenarde probabilmente łi gà preparà de 'l siłízïo amòrfo inpuro atraverso el rescaldamento de potàsïo con tetrafluoruro de siłízio. Ne 'l 1824 Berzèlius el gà preparà de 'l silízio amorfo uzando tsirca ło steso medodo de Lusac. Berzèlius inoltre el purifegò el prodoto atraverso sutsesivi lavadzi.

Caratarísteghe

Neła soa forma cristałina, el siłízïo el gà un cołore gridzo e na lutsentetsa metałega, ma el so cołore el pò variar. Anche se el ze un elemento relativamente inerte, el readzise cołi alogeni e co i alcałi diłuí, ma la madzior parte dełi àtsidi (trane 'l àtsido flüoridego) no ło intaca.

El siłízio el trasmete pí del 95% de tute łe longhetse d'onda deła lutse infraroseta.

El siłízio el ze ała baze de tuti łi siłicati, minerałi formadi da silízio e osígeno pí altri ełementi en forma jònega.

Łi siłicati łi ze contenúi ne łi magmi e, per ła strutura tetraèdrega de ła sílize, el magma el deventa pi' viscoso, e capatse de tratener madzori cuantità de gas. En baze a 'l contenúo de sílize se determina l'atsididà de un magma e dełe rotse da 'l cuałe vien. Se el ze poco prezente el magma se ciamarà bàsego, se abondante el magma el se ciamarà asido.

El siłizio el ze el conponente printsipałe de véro, tsemento, tseramega e siłicon.

Desponebiłidà

El silízio ze el printsipałe conponente dełi aerolidi, che łi ze na clase de medeoroidi e deła tectite, che ła ze na forma nadurałe de véro.

Calcołando en baze al peso, el silízïo el compone el 27,7% deła crosta terestre e, daspò el osígeno, el ze el segondo ełemento pí abondante. El silízio ełementare no se trova en nadura, apare in dzenere cofà òsido: diòsido de siłízio (amedista, àgada, cuartso, rotse cristałine, seltse, diaspro, opałe), siłicadi e ałuminosiłicadi^[2] (granido, amianto, feldespado, ardziła, orneblenda, míga e tanti incora).

Izòtobi

El siłízio el gà nove izòtopi, con un númaro de masa che el varia intra 25 e 33.

El ²⁸Si (el ze el izòtopo pí abondante, con el 92,23%), el ²⁹Si (4,67%) e el ³⁰Si (3,1%) łi ze stàbiłi.

El ³²Si el ze un izòtopo radio-ativo prodoto dała spałatsion nuclear de 'l àrgon; ła só emivida, dopo un longo debatido, ła ze stada dederminada en tsirca 276 àni; el elemento el decade per emision beda en ³²P (che el gà emivida de 14,28 àni) e cuindi en ³²S.

Note

↑ sevente altre grafie anca siłicio
↑ conposti chimeghi contenenti siłizio, osígeno e metałi

**Tabeła periòdica dei ełeminti**
>	1 I A	2 II A	3 III B	4 IV B	5 V B	6 VI B	7 VII B	8 VIII B	9 VIII B	10 VIII B	11 I B	12 II B	13 III A	14 IV A	15 V A	16 VI A	17 VII A	18 VIII A
V
1	1 H																	2 He
2	3 Li	4 Be											5 B	6 C	7 N	8 O	9 F	10 Ne
3	11 Na	12 Mg											13 Al	14 Si	15 P	16 S	17 Cl	18 Ar
4	19 K	20 Ca	21 Sc	22 Ti	23 V	24 Cr	25 Mn	26 Fe	27 Co	28 Ni	29 Cu	30 Zn	31 Ga	32 Ge	33 As	34 Se	35 Br	36 Kr
5	37 Rb	38 Sr	39 Y	40 Zr	41 Nb	42 Mo	43 Tc	44 Ru	45 Rh	46 Pd	47 Ag	48 Cd	49 In	50 Sn	51 Sb	52 Te	53 I	54 Xe
6	55 Cs	56 Ba	*	72 Hf	73 Ta	74 W	75 Re	76 Os	77 Ir	78 Pt	79 Au	80 Hg	81 Tl	82 Pb	83 Bi	84 Po	85 At	86 Rn
7	87 Fr	88 Ra	**	104 Rf	105 Db	106 Sg	107 Bh	108 Hs	109 Mt	110 Ds	111 Rg	112 Cn	113 Nh	114 Fl	115 Mc	116 Lv	117 Ts	118 Og

* Lantànidi				57 La	58 Ce	59 Pr	60 Nd	61 Pm	62 Sm	63 Eu	64 Gd	65 Tb	66 Dy	67 Ho	68 Er	69 Tm	70 Yb	71 Lu
Atìnidi**				89 Ac	90 Th	91 Pa	92 U	93 Np	94 Pu	95 Am	96 Cm	97 Bk	98 Cf	99 Es	100 Fm	101 Md	102 No	103 Lr