Sorabito
Co el termine sorabito, al dì de uncò el se intende un indumento sia maschiłe che feminiłe, che el se indosa sora i vestìi ed in particołare sora el torso e che, in alcuni casi el se ałunga sin ai xenoci. El scopo del sorabito el xe queło de difendar el corpo umano dal fredo o dai axenti atmosferici, de aparir al publico in maniera ełegante e come indumento simbołico par saçerdoti e suore. In pasato co el termine sorabito el se intendeva unicamente na veste çiviłe da omo, simiłe a na tunica, ma abotonata sul fronte e co dopio peto rovesià.
Tipi de sorabito
Xuboto
El xuboto el xe un sorabito de cotone o de pano, recoverto co fodera in połiestere.
Xiłè imbottito
El xiłè el xe un xuboto ełegante, privo de maneghe.
Pałetò
El pałetò el xe un sorabito de lana che el cala fin ai xenoci.
Pełiça
La pełiçia la xe un sorabito feminiłe costituìo da pełe de animałe conçada, naturałe opure sintetica.
Tunica feminiłe
La tunica (feminiłe) la xe un pałetò da dona, completamente sarà.
Tunica
Inteła antica Roma ła tunica la xera un sorabito sarà ed ałungà. Uncò la xe indosà dai saçerdoti e da łe suore come indumento rełixoxo.
Impermeabiłe
El impermeabiłe el xe un sorabito costituìo da materiałe impermeabiłe.
Trench
El trench el xe un tipo de impermeabiłe.
Piumino
El piumino el xe un xuboto reałizà in piuma de oca o de altro animałe.
Anorak
El Anorak o Parka el xe un xuboto impermeabiłe fornìo de capuço.
Mantel
El mantel el xe un sorabito privo de maneghe, completamente verto sul fronte, e che el se indosa sora łe spałe.
Tabaro
El tabaro el xe un mantel a roda da omo.
Zimara
La zimara la xe un longo sorabito maschiłe ricamente guarnìo.
Eskimo
El eskimo el xe un xuboto co capuço bordà de peło.
Cafetan
El cafetan el xe un pałetò da omo de cotone o de lana.
Bomber
El bomber el xe un xuboto utiłizà in campo miłitar o da alcune culture połiteghe come simboło de ła loro ideołoxìa.
Pianeta
La pianeta la xe un paramento liturxico che el saçerdote indosa sora ła tunica durante ła çełebrazion de ła Santa Mesa.
Mackintosh
El Mackintosh el xe un mantel impermeabiłe.
Pastran
El pastran el xera un sorabito feraioło indosà na volta dai poareti.
Djellaba
Ła djellaba la xe la tradizionałe tunica, xeneralmente de cołore blu (ampia, comoda e in grado de difendar dal caldo), indosà da molte tribù del deserto.
Montgomery
El Montgomery el xe un pałetò, prevałentemente da omo, dotato de capuço e co abotanadura in ałamari.
Redingote
El redingote el xe un sorabito intermedio tra el mantel e el pałetò.
Frock coat
El frock coat el xe un mantel da omo dotato de maneghe che el cała fin ai xenoci e co un foro çentrałe par da drio.
Vestaja
La vestaja la xe un sorabito che el se indosa solche sora el pixama.
Hacking jacket
La Hacking jacket la xe un sorabito da cavałerizio.
Kalasiris
El kalasiris el xera un mantel indosaà da omeni e da siore intel vecio Egitto, costituìo da na camiça e da una cotoła streta co na çintura che la sałiva fin al coło. El podeva esar dotà de maneghe.
Varda anca
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
