Strada dei Eroi
Ła Strada dei Eroi ła xe na strada de montagna del Pasubio fata 'nteł'istà del 1938. No ła xe sfaltà e specie in primavera se trova raquante frane de sasi e de giara. No ła xe verta al trafico. Par rivarghe ał'inboco se ga da partire dal Pian de łe Fugase, a 1165 metri, e 'ndar su par ła strada de ła Val di Fieno (bianca e sarà al trafico anca questa). A 1782 metri de quota sta strada ła finise davanti ła Gałeria D'Havet, ke ła sbusa el creston de ła Pria Faveła e ła salta fora in Val Canałe. Da qua scuminsia ła Strada dei Eroi, alta sui buroni profondi sentenari de metri de ła Val Canałe. Dopo do tornanti, e pasando soto de łe gałerie, ła strada, tajà suła piera, ła monta ała testada de ła vałe finke no ła riva al Rifugio Papa, ałe Porte del Pasubio, a 1934 metri, 'ndove ke riva anca ła Strada dei Scarubi e ła Strada de łe Gałerie. Drio ła strada, suła piera a monte, xe stà postà, una drio ł'altra, łe łapidi coi nomi de 15 medaje d'oro de ła prima guera mondiałe. Par rivar su a pie al Rifugio partendo dal Pian de łe Fugase e tajando i tornanti de ła strada de ła Val di Fieno col troxo numero 399, se ghe mete 2 ore e 3 quarti.
Ełenco de łe 15 medaje de oro mensionà 'nteła Strada dei Eroi
- Capitan Aldo Beltricco, San Damiano (CN)[1]
- Tenente Cesare Battisti, Trento[2]
- Bersajere Torquato Cardelli, Soari (PI)
- Tenente Umberto Cerboni, Napoli
- Magior Felice Chierle, Pino Torinese (TO)
- Sototenente Damiano Chiesa, Rovereto
- Sototenente Fabio Filzi, Rovereto
- Cołoneło Antonio dei Conti Gioppi, Sermide (MN)
- Sototenente Giordano Ottolini, Milano
- 157° Regimento Fanteria, Brigata Liguria
- 158° Regimento Fanteria, Brigata Liguria
- Magior Mario Rossani, Cassano Murge (BA)
- Cołoneło Edoardo Suarez, Napoli
- Sototenente Ferdinando Urli, Seedorf (Austria)
- Capitan Corrado Vanini, Como
Note
- ↑ Medaglia d'oro al valor militare - Aldo Beltricco, Quirinale. Entrada il 30-5-2008.
- ↑ Medaglia d'oro al valor militare - Cesare Battisti, Quirinale. Entrada il 30-5-2008.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
