Todesco ałeman
El todesco ałeman, o senplisemente ałeman, el xe na serie de varianti de ła łéngua alta todesca, o sia "diałeti" del todesco ufisiałe, che i vein reconduxesti al popoło dei Ałemani.
El vien parlà da serca 10 miłioni de persone inte el Baden-Württemberg inte el sud de ła Jermania, in Alsazia, in Svisera e inte ła rejon austriaca del Vorarlberg e anca intel Liechtenstein.
Sudivixion
Qua podee catar na sudivixion de łe varie varianti de l'ałeman. El nome spesifego tante volte no'l existe, dunque el sarà asà el nome in todesco co na spiegasion intra paréntexi in vèneto.
Schwäbisch (Svevo)
El Schwäbisch el xe parlà in parte del Baden-Württemberg e de ła Bavaria. El prexenta afinità cola lengua boarexe.
łe sità pi grande onde che el xe parlà łe xe Stocarda, Augusta, Ulm, Reutlingen e Tubinga.
El Schwäbisch el xe caraterixà da ła prexensa de ła paroła seltica keja ("cascar"). In oltre i fonemi todeschi hûs, îs i deventa hous, eis (ejs) e no huus/hüüs, iis cofà inte qûeł' altri diałeti ałemani.
El diałeto el prexenta łe pròsime varianti:
- Oberschwäbisch o Svevo Alto;
- Unterschwäbisch o Svevo Baso;
- Allgäuerisch, parlà intel Nord de ła Svevia.
El Templer-Schwäbisch e el Sathmarisch i xe intra łe varianti del Schwäbisch parlae fora de ła Jermania.
Hochalemannisch (Alto Ałeman)
El'Hochalemannisch el xe un diałeto parlà inte ła Svisera jermanòfona, in Liechtenstein, in Alsazia (Fransa) e in coalche comun tałian.
Carateristeghe: el sono /k/ el deventa el Fricativo x, e no kʰ o kx cofà in Baso Ałeman.
Existe difarenti varianti:
- elHochalemannisch vero e propio, parlà in Svisera a Xurigo, a Bienne e in tanti altri comuni;
- el Liechtensteinisch, diałeto parlà in Liechtenstein;
- el Schweizerdeutsch;
- elHöchstalemannisch.
Schweizerdeutsch (Svisero todesco)
Parlà oviamente inte ła Svisera jermanòfona, el se devide in Westschweizerdeutsch (Svisero todesco osidentałe) e Ostschweizerdeutsch (Svisero todesco orientałe).
łe difarense infra ste do varianti łe xe intel ditongo ei ou øi (e non ai au ɔi) e inte i verbi co do forme plurałi (-ə -ət -ə) (e no co na soła, come che invese càpita normalmente -əd̥ -əd̥ -əd̥).
Höchstalemannisch (Altìsimo ałeman)
El xe na variante menor de l'alto ałeman che no'l prexenta ditonghi (ʃniːə(n) buːə(n) e gnanca ʃneijə bouwə) e tre forme plurałi par i verbi (-ə(n) -ət -ənt). łe finałi łe xe mantegeste anca intel plurałe.
El vien parlà in tanti canton e comuni sviseri (Berna, Uri, Obvaldo, Canton Nidvaldo, Glarona, Friburgo, Vałexe.
In seguito ai spostamenti de l'etnìa Walser, el se ga po difondest anca inte el Canton Tisin e intel Canton Grixoni (Svisera), in Liechtenstein, intel Vorarlberg (Austria) e a Gressoney (Itàlia).
Niederalemannisch (Baso Ałeman)
El Niederalemannisch el xe un diałeto ałeman parlà in Baviera e Baden-Württemberg (Jermania), in Svisera, inte na banda de l'Alsazia (Fransa) e inte el Vorarlberg (Austria).
Existe ste varianti menori:
- l'Allgäuerisch, parlà inte ła rejon de l'Allgäu (Baviera);
- el Wälderisch (o Vorarlbergisch), parlà inte el Vorarlberg (Austria);
- el Südbadisch, parlà inte el sud del Baden-Württemberg;
Oberrheinalemannisch (Ałeman de l'alto Reno)
L'Oberrheinalemannisch el xe na sub-partision del baso ałeman. L'existe in do varianti:
- el Baseldeutsch (Todesco de Baxiłea), parlà escluxivamente intel Canton de Baxiłea (Svisera);
- l'Elsässisch (Alsazian), parlà soratut inte łe xone visine a ła sità de Colmar e a Strasburgo (Fransa).
| Controło de autorità | GND (DE) 4112483-2 · BNF (FR) cb11930857n (data) |
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
