Tore de Galata

	Tore de Galata
Dati
Sorte	Tore e muzeo
Parte de	The Genoese Maritime Network: Trading Posts and Fortifications from the Mediterranean to the Black Sea (en)
Costrusion	1349
Caraterìsteghe
Stato de dòpara	in buono stato (it)
Stiłe architetònego	architetura romànega
Materiałe	piera
Mezurasion	16,45 () × 62,59 () m ;
Àrea	208 m²
Altitùdene	35 m
Nùmaro de piani	9
Pozision
Rejon aministrativa	Beyoğlu (Turchia)
Pozision	Regione di Marmara (it)
	41°01′32.28″N 28°58′26.95″E
Atività
Infiołasion	Museum Directorate of Galata Mevlevi Lodge (en)
Propietàrio	Direzione Generale delle Fondazioni (it) e Comune metropolitano di Istanbul (it)
Ligo web	muze.gov.tr…

La tore de Gałata (Galata Kulesi in turco) ła ze na tore de piera de època medievałe costruida da i Zenovezi e situada inte el distreto de Gałata a Istanbul, in Turchia.

Descrision

Ła mezura 66,9 metri in altesa (62,59 escludendo el ornamento in sima a'l coverto cònego), co un diametro interno de 8,95 metri e muri spesi 3,75 metri. Ła se cata a sirca 140 metri sora el łeveło de'l mar. A'l momento che ła jera stada costruìa ła jera el edifisio pi' alto de ła sità.^[1]

Int'el 2020, ła tore ła ze stà restruturada e reverta cofà muzèo e ponto panoràmego.^[2]

Co un asensor A se pol rivar a ła parte pì alta, soto el coverto cònego, e A se pol amirar el panorama de ła sità a 360 gradi.

Storia

Ła tore ła ze stà costruìa inte’l 1348 da Rosso Doria, primo governador zenoveze de Galata, che’l ła ga batezà Christea Turris (Tore de Cristo). In orìzene ła tore ła fazéa parte de łe fortifegasion che łe sircondava ła sitadeła de Galata, cołonia de Zènova su’l Bosforo. ‘Sto edifisio no’l va mìa confuzionà co l'omònema tore de orìzene bizantina (ciamada anca Megalos pyrgos o Grande torre) che ła se catava int’una difarente pozision e ła ze stà in gran parte destruzesta inte’l 1204 durando ła cuarta crozada. Durando l'Inpero otoman ła parte suparior de ła tore e el só coverto cònego i ze stà modifegà in sèvito a numaroze restruturasion. A partir da’l 1717 i Otomani i ga inisià a utiłizar ła tore cofà ponto de osarvasion par individuar i insendi in sità. Inte’l 1794, durando el renjo de’l sultan Selim III, el coverto de pionbo e łenjo el ga subìo seri dani a càuza de un insendio. Łe fiame łe ga colpìo de novo ła tore inte’l 1794 e inte’l 1875 na viołenta strałeca ła ga scoà via el coverto, che’l ze stà restruturà soło tra el 1965 e el 1967 utiłizando piera a’l posto de’l łenjo.

I esparimenti de voło de Hezarfen

Stando a cuanto afermà da’l stòrego e viazador otoman Evliya Çelebi, tra el 1630 e el 1632 Lagâri Hasan Çelebi, utłizando de łe ałe artifisałe, el ga spicà el voło da ła tore par sorvołar el Bosforo e terar a Scutari, cuartier che’l sorze a 6 km de distansa, inte ła zona aziàtega de ła sità. ^[3]

Notasion

↑ Katie Hallam, The Traveler's Atlas: Europe, Barron's, 2009, pp. 118-119.
↑ Istanbul’s iconic tower reopens after restorationhurriyetdailynews.com, 7 ottobre 2020. Entrada il 17 giugno 2023.
↑ Evliya Çelebi (1611-1682). Seyahatname. Istanbul: Yapı Kredi Kültür Sanat Yayıncılık (2003), p. 318.