Torefasion
Ła torefasion ła ze on prosedimento zenèrego de rostimento, che ła mete na sostansa a alta tenperadura, cusita da dizidratarla, osidarla e in racuanti cazi anca carbonizarla in parte (dipendendo dal grado de torefasion).
Anca ciamada rostatura, rostidura o tostatura, el ze on prosedimento tanto doparà par ła laorasion del tabaco (par sbasarghe el contegnuo de nicotina), de łe samese de caffè, de orzo de tè (inte el spesìfego el tè zało) o de altre piante.
Rostidure
Racuanti torefatori i dòpara nomi par vari gradi de sostatura, cofà "city roast" e "French roast", in baze a łe tenperadure interne de ła samesa de cafè riłevae durante ła rostatura.
Łe risete, anca ciamae "profili de rosto" o "profiłi de torefasion", łe ìndega come otegner łe caraterìsteghe de saori. Tanti fatori ghe połe jutar na persona a determenar el profiło mejo da doparar, cofà ła orìzane del cafè, ła varietà, el modo de laorasion, el contegnuo de umidità, ła densità de łe samese o łe caraterìsteghe aromàteghe vołeste. [1]
On profiło de torefasion el połe èsar prezentà inte on gràfego andove njien mostrà el tenpo inte on ase e ła tenperadura inte on altro.
El son el ze on bon indegator de tenperadura co ze drio na rostatura. Ghe ze do franzenti de tenperadura ciamai "crepi" che tuti i torefatori i scolta. A sirca 196 ° C (385 ° F), el caffè el farà on promo crack. Sto ponto el ze ciamà "primo crepo", che ne dize che ga tacà na "tostatura lejera". Al primo crepo, na granda cuantità de umidità del caffè ła se ga evaporaà e łe samese łe aumentarà de dimension. Co el cafè el riva a sirca 224 ° C (435 ° F), el fa on "secondo crack", e sto sono el ne dize che ła strutura del cafè ła scumìsia a cołasar. Se ła tostadura ła njien dasada ndar oncora vanti, ła scumisiarà a ciapar łe caratarìsteghe de tostadura e el tacarà pèrdar łe caraterìsteghe orizenałi del cafè.
Ste foto łe mostra canpioni tołesti dal isteso loto de on tìpego cafè verdo braziłegno a vàrie tenperadure de łe samese de cafè co i so nomi traduzesti in vèneto da l'inglezo:[2]
| No rostà | |||
|---|---|---|---|
|
22 °C (72 °F) , Bizi verdi Caffè verdo. Łe samese łe połe èsar conservae sirca 12-18 mesi inte on anbiente a clima controłà prima che sia evidente na pèrdita de cuałità. |
|
165 °C (329 °F) , Faze de sugadura Inte ła faze de torefasion łe samese łe sorbise on prosedimento endotèrmego finmente che ła so umidità interiora no ła ze evaporada, segno de ła so prima crepa. |
| Rostatura ciara | |||
|
196 °C (385 °F) , Rosto de caneła On liveło de tostatura racuanto lejero che el se połe ver al primo crack. La dolsesa ła ze sotosviłupada, co prominenti sereałi tostai, aromi erbàsei e na spicada asidità. |
|
205 °C (401 °F) , Rosto de New England Maron ciaro moderà, ma oncora vàrio inte ła so siera. On rosto preferio par racuante spesałità de torefatori, el mete in rezalto caraterìsteghe de orìzane e l'asidità conplesa. |
| Rostatura mèdia | |||
|
210 °C (410 °F) , Rosto Merican Maron mèdio ciaro, sviłupà inte ła prima fessura. L'asidità ła ze lejermente sbasada, ma el caràtaro de orìzane el ze oncora preservà. |
|
219 °C (426 °F) , Rosto City Maron mèdio, comun par ła major parte dei caffè spesałi. Bon par sentir el so caràtaro orizenałe, anca se el rosto el ze evidente. |
| Rostatura scura | |||
|
225 °C (437 °F) , Rosto Full City Maron mèdio-scuro co josete da seche a picenine o débołi mace de ojo, el caràtaro tostà el ze prominente. Inte el scumìsio de ła segonda crepa, el corpo el ze totalmente sviłupà.[3] |
|
230 °C (446 °F) , Rosto de Vienna Maron scuro moderà co lejero ojo in superfise, pì agrodolse, saore de carameło, asidità sminuia. Calsìase caraterìstega orizenałe ła ze stada cavada dal rostimento a sto liveło. |
|
240 °C (464 °F) , Rosto Fransezo Maron scuro, lustro co ojo, sfumadure caramełae profonde, asidità sminuia. A ła fin de ła seconda spiera. El caràtaro tostà el ze dominante, resta poco de l'aroma o dei saori caraterìsteghi del caffè.[4] |
|
245 °C (473 °F) , Rosto Italian Cuazi nero e sbrełuzegante, i toni bruzai i njien pì distinti, l'asidità cuasi descansełada, el corpo sutiłe.[5] |
Notasion
- ↑ Coffee Roasts Guidencausa.org.
- ↑ Glossary of Coffee and Espresso Terms, Coffee Review. Entrada il 28 de lùlio 2012.
- ↑ Roast Magazine, The book of roast, Portland, Oregon, JC Publishing, Inc, 2017, pp. 38–39.
- ↑ Glossary of Coffee and Espresso Terms, Coffee Review. Entrada il 28 de lùlio 2012.,
- ↑ Glossary of Coffee and Espresso Terms, Coffee Review. Entrada il 28 de lùlio 2012.
Altri projeti
el detien schemi gràfeghi so
Linganbi foresti
- TorrefazióneTreccani.it – Enciclopedie on line, Istituto de ła Ençiclopedia Italiana.
- TorrefazióneVocabolario Treccani, Istituto de ła Ençiclopedia Italiana.
- torrefaziónesapere.it, De Agostini.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
