Touch screen
El touch screen o touchscreen xe un partegołar dispoxidivo ełetrònego, fruto de l'union de un schermo ed un dixitałixador, che parmete all'utente de interaxir co na interfasa gràfega mediante i dèi o partegołari ogeti. El touch screen xe al steso tenpo un dispoxidivo de input e output.[1][2]
El termene touch screen l'è un préstio de l'inglexo, in vèneto se pol traduxer co "schermo tatiłe" o "schermo sensìbiłe al toco".
Istòria
El primo touch screen xe stà brevetà inte el 1969, mentre el primo smartphone ad utiłixarlo xe stà l'IBM Simon del 1992.[2]
Difuxion
El touch screen xe partegołarmente difondesto fin dai ani 1980 in vari dispoxidivi dotài de schermo destinài ad un uxo intenso da parte del pùblego, come par exenpio i sportełi informativi o el sporteło automatego (ATM); no xe tutavia mancàe sołusion profesionałi cofà l'HP-150 del 1983 e che raprexenta el primo PC co touch screen. Xe soło a partir dai primi ani del XXI sècoło che i dispoxidivi co touch screen conose na vera difuxion, grasie a sołusion in dispoxidivi mobiłi cofà el Nintendo DS, i navegadori satełitari, i UMPC o i vari tełefonini sełułari e smartphone. Co ła difuxion de cuełi dispoxidivi e co l'aumentar de ła rechiesta del pùblego, i touch screen conparise intensivamente anca in dispoxidivi portatiłi pì grandi, cofà i tablet PC o i tablet computer.
Caratarìsteghe
El touch screen par łe so carateristeghe riese a sostituir łe funsion del mouse e in tanti caxi anca de ła tastiera, el che permete soratuto par i dispoxidivi mobiłi e conpati de no dover dedegar spasio a tastiera, mouse e touchpad, ed aver cuindi al steso tenpo un schermo pì grando a guałivésa de spasio utiłe, na interatività direta tra utente e dispoxidivo, a preso parò de na vełosità de scritura e dixitasion in xenerałe manco rapida e a volte co pì alto tasos de erori.
Notasion
- ↑ (EN) Geoff Walker, A review of technologies for sensingsemanticscholar.org. Entrada il 18 dicembre 2019.
- ↑ 2,0 2,1 Alessia Vicinanza, Ecco la vera storia del touchscreenfocus.it, 27 gennaio 2013. Entrada il 1º ottobre 2018.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
