Utensa:Paolodecorsa

Ciao, so Paolodecorsa, me ciamo Paolo, so de Padoa e so sempre de corsa, spesso fora de Padoa. Tra e altre robe Go reałixà el portałe padovasiti.it che prima possibiłe sarà tradoto anca in veneto. Me piaxaria creare su Wikipedia na discussion sui proverbi Padovani e veneti, parché go paura che serti modi de dire, che merita de essare salvai, i vaga persi, se no femo qualcosa.

Drento i proverbi dei nostri noni, ghe xe tanta sajessa che va ben anca par i giorni nostri. Ringrasio tuti quei che vorà rispondarme e dirme cosa che i ghe ne pensa. Si, ło so, che ghe xe xa ła voxe proverbi, ma voria che fosse dito de che xona che i xe.

Scrivo quà su vec.wikipedia.org parché penso che sia justo dire che semo veneti. Essar veneto par mi vołe dir anca, che so padoan, parché el Veneto no xe un concetto astrato, ma xe na tera fata de xente, che co parla, ła se capise, ła xe fata de padoani, venesiani, veronexi e de tuti staltri che vołì xontarghe, che pì che semo mejo xe.

Lè el canpaniłismo ła nostra rovina, ma se no raforsemo ła nostra identità e queła dełi altri paesi veneti, el Veneto restarà soło na paroła che se dixemo tra noaltri. Una dełe robe da far, xe ciamare e sità col so nome, anca quełe foreste, se nol xe inpronunsiabiłe e so sto caxo, se no ło femo i capirà.

El me primo projeto xe queło dei proverbi dei paexi veneti, come ampliamento a ła voxe dei proverbi, che ghe xe xà, quindi go scomisià da quełi del mio, che xe Padoa:

• Proverbi de Padoa: Projeto:Proverbi

--Paolodecorsa 10:01, 4 feb 2008 (UTC)