Virgołete

Łe virgołete łe xe on segno de pontuasion tipogràfego doparà par destìnguar na paroła o na fraxe cofà citasion, discorso direto, par rexaltàrghene ła nadura xergałe, tècnega, metafòrega, figurativa, irònega o diałetałe, o par parołe e fraxe de łéngue foreste njoncora entrae in dòpara comun inte ła determenada łéngua. Łe połe anca èsar doparae, in alternativa al corsivo, inte i rifarimenti bibliogràfeghi par sitar el tìtoło de on periòdego^[1][2] e łe njien par de pì doparae da racuanti lenguaji de programasion par dełimitar łe stringhe.

Le virgołete łe se dòpara senpre in còpia, cofà che łe fa anca łe paréntexe, e par sto motivo łe conparise anca ełe senpre sia "verte" che "sarae", rispetivamente prima e dopo ła paroła o ła fraxe pertinente.

A ghene xe de cuatro sorte:

1. Virgołete base o anca dite virgołete latine o virgołete angołari (« »).
2. Virgołete alte o anca dite virgołete inglexi (“ ”) (" ").
3. Virgołete sénpleghe (‘ ’) (' ').
4. virgołete base sìngołe (‹ ›).

Łe virgołete alte łe njien doparae par reportar on discorso direto, cuindi łe parołe dei vari interlocudori.

In racuante łéngue, alfabeti e stati i njien de règoła doparà łe dópie virgołete, mentre łe altre łe njien doparae cofà alternadive o caxi speçałi, cofà drento de na citasion, par conceti spesìfeghi o tìtułi cubitałi. Ghe xe de łe ecesion cofà par exénpio in inglexe: i statunitensi i dòpara par el pì łe dópie, mentre i inglexi i dòpara frecuentemente łe sìngułe.

1. ↑ Luca Cignetti,Treccani, virgolette_(Enciclopedia_dell'Italiano)/ - entrà el 17/0/2015}}
2. ↑ Treccani, virgolette_(La-grammatica-italiana)/ - VIRGOLETTE, verto el 17/0/2015}}
3. ↑ ^{3,0 3,1} Drento e na citasion.
4. ↑ Par le citasion njien doparà la forma yǐnhào 引号 («virgołete»), par i titułi dei libri 《…》 e 〈…〉 (shūmínghào 书名号, letaralmente «segni dei tìtołi dei libri»). A Taiwan łe xe in dòpara łe forme「…」 e 『…』.
5. ↑ ^{5,0 5,1 5,2 5,3} In svìsara se dòpara ła istese vìrgołe inte łe łéngue (todesco, fransexe, italian e romàncio).
6. ↑ Inte łe citasion de pì fraxi, se mantien ła virgoleta de vertura inte el scumìsio de ogni fraxe.
7. ↑ Punteggiatura e tipografia in Accademia della Crusca Archivià il 29 de novenbre 2020 in Internet Archive.
8. ↑ Inte i Paexi Basi, łe virgołete primrie sénpleghe o dópie łe połe èsar conbinae co łe segondàrie dópie o sénpleghe. Ła xe vietada solché ła conbinasion che ła reporta do volte łe virgołete dópie, tute łe altre łe xe acetàbiłi.
9. ↑ Sta sorte de virgołete łe xe doparae strapoco in połaco o solché inte caxi spesìfeghi, par exénpio par indegar difarenti signifegari inte on vocabołàrio.
10. ↑ Diccionario panhispánico de dudas → artículos temáticos → comillas

• Wikimedia Commons el detien imàjini o altri file so virgołete
• Scholia el detien schemi gràfeghi so Virgołete

• VirgolétteVocabolario Treccani, Istituto de ła Ençiclopedia Italiana.
• (EN) quotation markEnçiclopedia Britannica, Encyclopædia Britannica, Inc.