Ła Mira

**Ła Mira**
Mira (it)
	; ;
Pozision
	45°26′00″N 12°08′00″E
Stato	Itàłia
Rejon	Vèneto
Sità metropułitana	Sità metropułitana de Venèsia
Popołasion
Totałe	37 542 (2023)
Densità	378,68 hab./km²
Zènaro
Zeografia
Àrea	99,14 km²
Altitùdene	6 m
Rente a	Canpagna Lùpia ; Pianiga ; Spinea ; Miran ; El Doło ; Venèsia
Dati istòreghi
Dì festivo	Festa patronałe(6 de diçenbre)
Patrono	Nicoła de Bari
Còdazi de identifegasion
Còdaze postałe	30034
Còdaze de matricołasion	VE
Clasifegasion climàtega	clima subtropegałe ùmido
Prefiso tełefònego	041
ID ISTAT	027023
Còdaze catastałe de Itàlia	F229
Sito web	comune.mira.ve.it

Ła Mira ła xe un comun de 37 737 abitanti inte ła Provincia de Venesia. Ła xe un comune sparso par che ła sede comunàl ła xe ła frasion de Mira Tagio. Ła xe tacada al común de Venesia col qual ła condivide anca na frasión, Malcontenta.

Zeografia

L'àrea urbana, posta al mexo de ła strada infrà Pàdova e Venesia, ła partien a ła Riviera de ła Brenta che ła se slarga łóngo el Naviłio de ła Brenta, costexà da ła SR 11, sul qual łe se fasan łe viłe che i Venesiani i ga edifegà infrà el 1500 e'l 1700. Famóxe in particołar ła viła paładiana "ła Malcontenta" inte ła frasion che ła tol el nome e Viła Widmann Foscari a Mira Porte.

A sud-est łe se cata łe barene, fasade a ła łaguna de Venesia, n'anbiénte costituìo da n'insieme de ixołoti łigai da canałi, che łe fa un terso de ła superfice del comun. El teritorio comunal el xe traversà da numeróxi corsi de aqua, oltra al Naviłio, sia naturałi che artifexałi.

Storia

Ła xona de ła Mira ła xe stada coltivada in maniera fita in età romana e ła xe stà tirada drénto inte el graticołato. Alguni i dixe che el nome el vegna fora da na tor de vistamento (in łatino apónto mira) che ła serviva par defénder el teritorio, łigàndose cusì a ła visina Miran. Un vero e proprio séntro abità el xe nasùo parò soło inte el età de mezo come porto fluvial par i barcarołi che i tegniva Venesia cołigada a ła riviera del Brenta e in orìxene el se ciamava Cazoxana. El nome ła Mira, secondo n'altra ipòtexi, el xe stà tólto co referimento al patro San Nicołò, Myra apónto.^[2]

Inte el 1866 ła Mira ła xe stada tirada drénto al'Itałia, e l'ano daspò i tre comuni de ła Mira, Oriago e Ganbarare i se ga unìi in un soło, el qual el sèłie el nome de ła Mira: da sto fato el vien fora el stema comunal co łe tre corone, sìnboło dei tre comuni orixenari.

Evołusion demogràfega

Abitanti censii

Frasion

Łe pì grandi łe xe: Borbiago, Ganbarare, Malcontenta, Maran Venesian, Mira Porte, Mira Tagio, Mira Vecia, Oriago. Łe pì picenine łe xe: Ca' Argentina, Ca' Causin, Ca' Caldara, Ca' Feroti, Ca' Ghedin, Ca' Leandri, Ca' Martin, Ca' Noveło, Ca' Sabioni, Ca' Sorbełe, Ca' Tresievołi, Dogałeto, Fosadone, Zuane XXII, Ła Casona, Malpaga, Mira Buse, Mira Maxerà, Molin Roto, Piasa Vecia, Soresina, Valmarana.

Fonte

↑ voze de refarensaistat.it.
↑ Riviera del Brenta: Mira Archivià il 30 de novenbre 2010 in Internet Archive.

Controło de autorità	VIAF (EN) 136100124 · LCCN (EN) n85012954 · GND (DE) 4454595-2 · BNF (FR) cb155749834 (data) · WorldCat Identities (EN) n85-012954

[16139ca327c50d72c40d8c5fd3abe706b989650e-1] voze de refarensaistat.it.

[2] Riviera del Brenta: Mira Archivià il 30 de novenbre 2010 in Internet Archive.

[1]

[2]