A. A. Moll van Santbergen

Hiel Abraham Albertus Moll van Santbergen (1860–1938) äbinom Volapükan Nedänik.

Pämotom ün yel: 1860, gustul, d. 3^id in zif: ,Arnhem’ as son hiela ,Gerhard Jan Moll van Santbergen’ e jiela ,Gerharda Willemina van Ruijven’. Äbinom matematatidan pö realajul in motedazif okik ä balan pioniras Volapükamufa in Nedän. Ün 1897 dekul äfünom dilädi: ,Arnhem’ Volapükakluba valemik Nedänik ed ävedom presidan onik. Ün yels: 1900 e 1901 äbinom i redakan timapenäda päpüböl fa diläd at: „Volapükabled”. De 1902 novul äbinom keredakan Volapükagaseda: „Nuns blefik se Volapükavol”.

Ün 1899 prilul ädagetom diplomi „Volapükitidela”, ün 1900 febul uti „löpitidela” ed ün prilul yela ot uti „profesana Vpa”. Ün yel ot i päcälom as kadäman Volapüka.

De 1902 jü 1934 söl: ,A. A. Moll van Santbergen’^[1] äbinom vipresidan Volapükakluba valemik Nedänik, poso päcälom as stimaliman ona.

,Moll van Santbergen’ ädeadom tü 1938, novul, d. 29^id in ,Scheveningen’ e päfefilükom tü dekul, d. 2^id in kremator: ,Westerveld’ tö ,Driehuis’, in komot: ,Velsen’. Yeged pededietöl mebe oma pelasumon Volapükagased pro Nedänapükans.

1. ↑ Pämäniotom ün 1932 in Volapükagased pro Nedänapükans as liman Volapükakluba valemik Nedänik as M. M. Moll van Santbergen: jiniko bükapök.

• (nen yel; kobü hiel H. van de Stadt) Korte spraakkunst en lijst der voornamste stammen, voorvoegsels en achtervoegsels van de algemeene taal „Volapük“ door H. van de Stadt en A. A. Moll van Santbergen. Arnhem: Wiel.

• Haupenthal, Reinhard. 1982. Volapük-Bibliographie. Hildesheim, Zürich, New York: Georg Olms Verlag. (Päpüböl kobü dabükot nulik ela Volapük die Weltsprache ela Schleyer.)
• Kniele, Rupert. 1889. Das erste Jahrzehnt der Weltsprache Volapük. Verlag von A. Schoy, Buchhandlung, Ueberlingen a. B. (Dönu päpübon ün 1984 fa Reinhard Haupenthal, Saarbrücken: Editions Iltis.) (Vödem rigädik, ma dabükot balid).
• Spielmann, Sigmund. 1887. Volapük-Almanach für 1888, verfasst von Sigmund Spielmann. I. Jahrgang. Lekaled volapüka plo yel balmil jöltum jölsejöl, pelautöl fa Spielmann Sigmund. Yelüp balid. Leipzig: Mayer. (Vödem rigädik.)
• 1939. ‚A. A. Moll van Santbergen‛.† Volapükagased pro Nedänapükans nüm: 1, pads: 10-11. (Vödem rigädik.)