Dj' a stî al tchesse ås ptits oujheas (tchanson)

Dj' a stî al tchesse ås ptits oujheas u dj' a stî al cache ås ptits moxhons, c' est ene tchansonete a môde di rime-rame.

Elle a stî ritrovêye dins sacwants coines del Walonreye.

Li modeye di Bovegne est loukeye come on tchant d' Noyé pa Maurice Delbouille. On l' tchante so èn air d' alelouya do salut do dimegne di Påke.

Dj'ê stî al tchèsse aus p'tits mouchons
Dj'ènn' ê tuwè pus d'on milion
Dès tchictchaks èt des pinsons
Alléluya !
Alléluya ! (ter)^[1][2]

Li minme oteur a rilevé ossu des modêyes sins rapoirt avou Noyé u Påke. Li prumire a stî rascodowe a Måtche-les-Dames

Dj' ê stî al tchèsse aus p'tits mouchons
dj' ènn'ê tuwè dîj-ut cautrons
Mariya quéne désolacion !
I sont tos moirts sins cofèssion.^[1]

Vo ndè la co ene ôte:

Après li tchèsse aus p'tits mouchons
dj'è trouvè deûs sur on bouchon,
qui m' dimandinn′ li cofèssion
et co l'apsolucion.^[1]

Å Rû, on l' tchantéve ossu so ene air d' alelouya.

Dj'ai stè al cache as ptits mouchons
èt dju d ai twè pus d'in miyon
dès mieles, dès tchapes èt dès pinchons
Alélouya^[3]

Avou l' minme kimince, on dene li no des dmorants do viyaedje tot l' fijhant rimer avou èn oujheas.

Li tecse shût a pô près les cis di dvant, po les cwate prumirès fråzes, mins après, on sint k' ça a stî radjouté al shijh-cénk-cwate.

Dj'ai sté al tchesse aus ptits ojês
Gn n' ê touwé sèt’ dé la Goflète:
In pinson dvant mon Bôdson,
In canari dvant mon Mazi,
Ène mézanje dvant mon Solanje,
In baudet dvant mon Brôlet,
Alélouya^[4]

1. ↑ ^{1,0 1,1} et ^1,2 Live Doutrepont-Delbouille so les noyés walons l° 39 (p. 315).
2. ↑ Les tecses sont rcopyîs come divins l' sourdant.
3. ↑ O82 a «mièle»
4. ↑ Ritchanté so ene air foirt plate pa Aline Brôlet, skepieye a Viyance e 1921.