|
Action Against Trafficking in Persons And Smuggling of Migrants in Nigeria (a-tipsom)Action Against Trafficking in Persons And Smuggling of Migrants in Nigeria tí ó bẹ̀rẹ̀ ní ọdún 2018 látàri àjọmọ̀ tó wà láàárín àjọ European Union àti ìjọba orílẹ̀-èdè Nàìjíríà, jẹ́ àjọ tó ń rí sí ìdínkù gbígbé àwọn èèyàn láti oríẹ-ede Nàìjíríàlo si orílẹ̀-èdè mìíràn lọ́nà àìtọ́. International and Ibero-American Foundation for Administration and Public Policy (FIIAPP) ni àjọ tó rí sí ìmúṣe ètò yìí.[1][2][3] Àwọn obìnrin àti ọmọdé gan-an ni wọ́n tọ pinpin mọ́ nítori àwọn gan-an ni wọn máa ń faragbá a jù. Àfojúsùn wọn ni; láti mú kí ìṣèjọba àjọ tó ń rí sí ìṣílọ ní orílẹ̀-èdè Nàìjíríàtúnbọ̀ tẹ̀wọ̀n si, láti dènà gbígbé àwọn èèyàn kúrò lórílẹ̀-èdè Nàìjíríà lọ́nà àìtọ́, dídàbòbò àwọn olùfaragbá láti ìlú Europe, láti mú kí ọwọ ba àwọn ọ̀daràn yìí kí wọ́n sì wá ìjìyà tó tọ́ fún wọn, àti làti mú kí ìfọwọ́sowọ́pọ̀ tó yanrantí wà láàárín àwọn àjọ tó ń dojúìjàkọ ẹ̀sùn búburú yìí.[4][5] Rafael Monila sì ni olùdarí Action Against Trafficking in Person and Smuggling of Migrants (A-TIPSOM).[6][7] ÌtànỌdún 2018 ni wọ́n dá àjọ yìí sílẹ̀, látàri àjọmọ̀ tó wà láàárín àjọ European Union àti ìjọba orílẹ̀-èdè Nàìjíríà, tí European Union sì jẹ́ onígbọ̀wọ́ wọn. A-TIPSOM gbé ìpàdé ọdọọdún kan kalẹ̀ tí wọ́n kọ́kọ́ ṣe ní ìlú Àbújá, lórílẹ̀-èdè Nàìjíríà, ní ọdún 2019, tí eléèkejì irú rẹ̀ rẹ̀ sì wáyé lóṣù kejì àti kẹta ọdún 2022, ní ìlú Toronto, ní Canada. Àfojúsùn àti iṣẹ́ wọnA-TIPSOM ní àjọṣepọ̀ pẹ̀lú àjọ mìíràn lóríṣiríṣi tí kìí ṣe àjọ ti ìjọba, tó ń rí sí gbígba àwọn olùfaragbá ìṣílọ lọ́nà àìtọ́ là,[8] ṣíṣe ìpolongo láti tako ìwà ṣíṣí àwọn èèyàn kúrò láti ibi kan sí ibòmìíràn,[9] kíkọ́ àwọn èèyàn, àti ṣíṣe ìgbékalẹ̀ àwọn ètò lọ́lọ́kan-ò-jọ̀kan nípa lílo áwọn òté márùn-ún kan tíí ṣe; àìfààyègbà, ìdáábòbò, ìfọwọ́sowọ́pọ̀, ìfìyàjẹ àti ìgbófin kalẹ̀. Awon Itokasi
|
