|
Ataguás
Ataguás u Atagüés ye una pardina despoblada, tamién conoixida a vegadas como pardina de Pedro Chil[1]. Ye situada en a val d'Acumuer, en l'actual municipio de Samianigo, amán d'as ruinas d'o monesterio de Santa María d'Arrasul. Se tracta en l'actualidat d'un gran edificio de planta rectangular construyiu en 1914 y bien conservau. En os arredols d'iste edificio encara bi ha muntoneras de piedras d'atras construccions antigas. HistoriaApareixe por primera vegada en un documento d'o 10 de chinero de 1042 en o que l'abat Ximeno dona a o monesterio de Sant Chuan d'a Penya bellas posesions en a val de l'Aurín: (...) de Ataguesse, terras et excusatos (...)[2]
Entre os sieglos XIII y XIV se sabe que a suya ilesia teneba o títol de rectoría. Como en atros pueblos d'a redolada se documenta o 26 de setiembre de 1405 a vesita de recaudadors que veniban dende Uesca pa cullir diners pa las obras d'a Seu de Santa María. Ataguás pagó diez sueldos. En l'anyo 1785 ya apareixeba como despoblau. Referencias
|
||||||||||||||||||||
.svg){kind=small}
