Олеў Йыгі

Олеў Йыгі
эст.: Olev Jõgi
Асабістыя звесткі
Дата нараджэння	9 студзеня 1919(1919-01-09)
Месца нараджэння	Лейсі, Павет Саарэ, Эстонія
Дата смерці	27 студзеня 1989(1989-01-27) (70 гадоў)
Месца смерці	Талін, Эстонская ССР, СССР
Пахаванне	Лясныя могілкі
Грамадзянства	Эстонія  СССР
Дзеці	Mall Jõgi[d]
Альма-матар	Тартускі ўніверсітэт
Прафесійная дзейнасць
Род дзейнасці	перакладчык, пісьменнік, журналіст, літаратуразнавец, літаратурны крытык
Грамадская дзейнасць
Партыя	КПСС
Прэміі	Літаратурная прэмія Эстонскай ССР імя Юхана Смуула[d] (1976, 1989)
Узнагароды	Заслужаны пісьменнік Эстонскай ССР[d] (1978)

Олеў Йы́гі (эст.: Olev Jõgi; 9 студзеня 1919, Веске, востраў Саарэмаа, Эстонія — 27 студзеня 1989) — эстонскі літаратуразнавец, перакладчык. Заслужаны пісьменнік Эстоніі (1978). Лаўрэат Літаратурнай прэміі Эстоніі 1971.

Скончыў у 1956 годзе Тартускі ўніверсітэт.

Аўтар зборнікаў літаратурна-крытычных артыкулаў «Літаратурныя каардынаты» (1963), «Зыб на вадзе» (1973), «Барозны і цені» (1975, Літаратурная прэмія імя Ю. Смуўла 1976).

Перакладаў з беларускай мовы. Удзельнічаў у выданні на эстонскай мове выбраных вершаў Янкі Купалы (1966), Якуба Коласа (1968). Пераклаў на эстонскую мову зборнікі апавяданняў «Сірочы хлеб», аповесць «Апошняя сустрэча» Янкі Брыля, аповесць «Трэцяя ракета» Васіля Быкава, раманы «Людзі на балоце» і «Подых навальніцы» Івана Мележа, трылогію «На ростанях» Якуба Коласа.

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).