Annie Haslam
| Annie Haslam | |
|---|---|
 | |
| Bizitza | |
| Jaiotza | Bolton, 1947ko ekainaren 8a (79 urte) |
| Herrialdea |  Erresuma Batua |
| Hezkuntza | |
| Hizkuntzak | ingelesa |
| Jarduerak | |
| Jarduerak | abeslaria, margolaria, kantugilea eta musikaria |
| Genero artistikoa | rock |
| Ahots mota | sopranoa |
| Musika instrumentua | ahotsa |
| Diskoetxea | Warner Bros. Records |
| anniehaslam.com | |
        | |
Annie Haslam (Londres, 1947ko ekainaren 8a) ingeles abeslari, konpositore eta margolaria da. 1971tik aurrera Renaissance rock progresiboko taldeko abeslari nagusi gisa da ezaguna, eta bakarkako kantu ibilbide luze eta anitzagatik. Bost zortziko ahots-tartea du[1][2][3]. 2026an, Loudwire-k garai guztietako 3. rock progresibo abeslari handiena bezala sailkatu zuen.[4]
2002tik aurrera, Haslamek ibilbide paraleloa egin du artista bisual gisa, mihise gaineko margolanak, musika-tresna margotuak eta giclé-ak ekoiztuz.
Haurtzaroa eta heziketa
Hamar urte zituela, Haslam-en gurasoek elokuzio-ikasgaietan matrikulatu zuten, Haslam-ek bere kantu-ibilbidearen oinarri gisa aipatzen duena.
Kornuallesko Redruth Art School-en moda ikasi ondoren, Haslam laguntzaile gisa hasi zen lanean Jaeger moda enpresan, eta gero David Coombs-en, Londresko Savile Row-ko jostunaren, ikastun bihurtu zen. Bertan, The Beatles taldearen 1969ko kontzertua entzun zuen kalean zegoela, bazkaltzeko atsedenaldian[5]. Haslam-ek, orduan, Windsmoor moda-enpresarentzat lan egin zuen laburki, eta jantzien diseinuetarako bere ideiak biltzen zituen liburu bat sortzeko eskatu zion, eta, gero, kaleratu egin zuen, osatu eta berehala. Haslam-en ustez, Windsmoor-ek "bere diseinuak lapurtu" zituen; horrek eragin zuen soinketa egiteko interesa galtzea.[3][5][6]
Haslam-en mutil-lagunak, Eric Peacock-ek, beste pertsona batzuekin batera abesten entzun zuen festa batean, eta ahots-talentuko lehiaketetan sartzen hasi zen, "irabazten jarraitu zuena". [2]Soniak, Haslam-en anaia Michaelen neskalaguna zenak, Haslami, Harold Miller[5] maisuaren ahots klaseak hartzeko eskatu zion. Miller-i bere ahotsa gustatzen zitzaion, baina Haslam-ek eguneko lana zuenez eta Millerrek gaueko eskolak eskaintzen ez zituenez, Miller-ek Haslam Sybil Knight[2] opera abeslariarengana bideratu zuen. Haslam-ek bederatzi hilabete eman zituen Knight-ekin ahots-eskolak hartzen, 1970ean.[5][7]
Ibilbidea
Haslam-ek urtebete eman zuen The Gentle People taldearekin Showboat in the Strand izeneko afari-kabaret klub batean abesten, Londresko West End-en. David Gardner gitarristak orduan Haslami esan zion bere potentziala kabaretean alferrik galtzen ari zela, eta Haslami iragarki bat erakutsi zion Melody Maker-en: 'Nazioarteko pop taldea emakumezko abeslariaren bila'. Haslam-ek taldearen izena jakiteko deitu zuen (Renaissance zen) eta Renaissance bere lehen diskoa erosi zuen. Haslamek azkar ikasi zuen abesti bakoitza bere entzunaldirako prestatzen, 1970eko abenduaren 31n. Bere entzunaldirako, Haslami "Island[8]" abestia kantatzeko eskatu zioten. Hurrengo egunean, Haslam Renaissance-rekin elkartu zen, eta bandarekin bira bat egin zuen Alemanian, hiru aste geroago[3][5]
Renaissance-kin ibilbidea
1971n, Haslam Errenazimentuko abeslari nagusi berria bihurtu zen, Melody Maker britainiar aldizkarian iragarki bat erantzun eta Surrey-ko bandarako entzunaldia egin ondoren. Charles Sniderrek zera adierazi zuen:
"Annie Haslamen ahotsa, melodiarekin batera ozen entzuten dena, albiste nagusia da. Carnaby Street baino askoz West End gehiago, banda definitzera iritsiko zen"[9]
Renaissance-rekin, Haslam abeslari nagusia izan zen estudioko zazpi diskotan bere garai klasikoan (1972-1979), 1981-gaur egungo estudioko lau diskotan eta zuzeneko album batzuetan. 1978ko abuztuan taldearen "Northern Lights" [Ipar argiak] singleak Erresuma Batuko singleen zerrendako lehen 10ak lortu zituen.
2018an, Haslam-ek bere ikuspegia eman zuen Renaissance-rekin egindako lanari buruz:
"Oso gustuko ditut Prologue to A Song for All Seasons diskoko disko guztiak [Ashes Are Burning, Turn of the Cards, Scheherazade and Other Stories, Live at Carnegie Hall, eta Novella barne]. [Errautsak erretan, Kartaren buelta, Scheherazade eta beste historiak, Carnegie Hall-en zuzenean eta Novella] Nire ustez, maisulanak dira. Azure d'Or [Urrezko azurea] ondo dago, taldearen barruko aldaketak eta soinua disko honekin hasi ziren... Okerreko bidetik gindoazela sentitzen nuen, eta gure sustraietatik urrun... Jon Camp-ek beste musika estilo batera eraman gintuen bidean gure nortasunetik aldenduz. Hauek izan ziren Camera Camera eta Time-Line [Denboararen lerroa] albumak. Pertsonalki, sentitzen dut ez genituela abandonatu behar izan ginenak eta gure ondarea".[3]
Bakarkako ibilbidea
1977an, Haslamek bakarkako ibilbideari ekin zion Roy Wood-ek ekoitzitako Annie in Wonderland diskoarekin; musika tresna gehienak jo zituen, eta harekin dueteatu zuen pista batean. Urte berean Intergalactic Touring Band diskoaren abesti batean jo zuen. Harrezkero, estudioko zortzi disko kaleratu ditu, eta horietako hiru White Dove diskoetxe propioaren bidez argitaratu zituen. Haslam-ek Steve Howe-rekin ere kolaboratu du zenbait proiektutan. Bere 2006ko Live Studio Concert, bere bakarkako lehen DVD gisa ere argitaratu zen. Haslam-ek Night and Day izeneko EPa kaleratu zuen, urte batzuetan bakarka egin zuen lehen grabazioa, Magenta rock talde galestarrarekin, 2006an.
Arte bisualak
"Haslam gure artean gutxi bezala, bedeinkatua da bere musa era askotara bideratzeko" idatzi zuen Melinda Rizzo-k Fine Art Magazine aldizkarian. Horietako bat arte bisualak dira:
- bere margolanak albumetan portada arte gisa erabili izan dira:
- One Enchanted Evening, [Gau sorgindua], Annie Haslam
- Woman Transcending [Emakume transzendentea] Annie Haslam –
- Night and Day [Gau eta egun], Annie Haslamen eskutik, Magenta-rekin
- Grandine il Vento / Symphony of Light by Renaissance [Haizearen txingorra /Argi sinfonia]
- Speak by I and Thou [Hitz egin zuk eta nik][7]
- Song of Times, [Denboraren kanta] Starcastle-koa
- besteei bere arropa eszenatokian diseinatzen lagundu die
- musika-tresnak margotu ditu, gitarrak eta biolinak barne
- bere margolan askoren gicléak sortu ditu
- 1975ean "Mother Russia" Ama Errusia] abestiaren letra artistikoki eskuz idatzi zuen britainiar bira programa baterako.[10]
Jai denboraldiko kontzertua
1999an hasita, Haslam-ek, urtero, In the Spirit of the Holidays [Gabon giroan] izeneko Gabonetako ikuskizuna egin du, jatorriz Upper Tinicum Lutheran elizan, eta gero Sellersvilleko (Pennsylvania) Sellersville antzoki handienean, 2006tik. Gabonetako ikuskizuna urtero egin dute, 2012an izan ezik, urte hartako azaroan Michael Dunford lagun eta lankidea hil zelako. Haslamek adierazi zuenez, "tristura gehiegi zegoen garai hartan". Egitarauan sartuta daude sekularrak, eta Gabon kanta erlijiosoak, baita bere konposizio propioak, eta Renaissance-ko zenbait kantu ere.
Bizitza pertsonala
Bere lehen izenari buruz, Haslam-ek 1993an esan zuen: "Ni 'gure Anne' nintzen nire ama eta aitarentzat, baina beste guztientzat Annie nintzen".[11]
Haslam langile klaseko familia batean hazi zen. Bere aita, umorista-abeslari amateurra, minbiziak jota hil zen.[5][3]
Haslam-en neba Keith Haslam diseinatzaile grafikoa zen, eta Toronton bizi zen.[3][5]
Michael Haslam, Haslam-en neba ere, abeslari arrakastatsua izan zen.[3][5][12]
Haslam 1980ko hamarkadaren amaieratik da begetarianoa. 1993an, Haslami bularreko minbizia diagnostikatu zioten, bizirik atera zena eta 1994ko bere albumaren inspirazio iturri bihurtu zena, Blessing in disguise [Bedeinkapena disimuluan.]
Haslam Roy Wood musikariarekin egon zen konprometituta lau urtez, geroago "nire bizitzako urterik dibertigarrienetako lau" bezala deskribatu zuena[13]. 1991n, Haslam Ipar Galesko (Pennsylvania) Marc I. Hoffman-ekin ezkondu zen. Ezkontza dibortzioan amaitu zen, baina Haslamek dio "uste dut nire senar ohia nire bizitzan sartu zela salbatzeko, bularreko minbizia izan bainuen ezkondu ondoren eta berehala hain ondo zaindu ninduten". Bucks konderrian kokatuta dago, Pennsylvania estatuan.[6]
Bakarkako diskografia
- Annie in Wonderland (1977)
- Still Life (1985) [Bizitza geldirik]
- Annie Haslam (1989)
- Blessing in Disguise [Bedeinkapena disimuluan] (1994)
- Supper's Ready: (Genesis tribute Album) [Afaria prest: Genesis-i omenaldia] (abeslari gonbidatua) (1995)
- Tales From Yesterday (Yes tribute Album) [Atzoko kondairak: Yes-i omenaldia] (abeslari gonbidatua) (1995)
- Live Under Brazilian Skies [Bizi brasileko zerupetan] (1998)
- The Dawn of Ananda [Anandaren egunsentia](1999)
- Portraits of Bob Dylan by Steve Howe [Steve Howe-n Bob Dylan-en erretratuak](albuma) (abeslari gonbidatua) (1999)
- It Snows in Heaven Too [Elurra ari du zeruan ere] (2000)
- One Enchanted Evening [Gau sorgindua](2002)
- Icon by John Wetton & Geoff Downes [John Wetton & Geoff Downes-en ikonoa] (albuma) (abeslari gonbidatua) (2005)
- Miles of Music by Bob Miles [Bob Miles-en Musikaren miliak] (abeslari gonbidatua) (2006)
- Live Studio Concert [Estudioko zuzeneko kontzertua] (2006)
- Night and day EP with Magenta [Gau eta egun EPa, Rob Reed eta Christina Booth-ek Haslamentzat idatzitako Magentarekin] (2006)
- Woman Transcending [Emakume Transzendentea] (2007)
- Songs of the Century (Supertramp tribute diskoa) [Mendeko abestiak: Supertrampi omenaldia] (abeslari gonbidatua) (2012)
- 'Live' Studio Concert Philadelphia 1997 [Filadelfia 1997ko estudio kontzertua zuzenean] (Berrargitalpena) (2014)
- "Don't Give Up" (singlea), [Ez etsi] (duetoa Jann Klose-rekin) (2017)
Erreferentziak
- ↑ Annie Haslam. January 7, 2020.
- ↑ a b c «Perfect Sound Forever: Annie Haslam of Renaissance interview» Furious.com.
- ↑ a b c d e f g (Hungarieraz) «THE LADY OF RENAISSANCE - INTERVIEW WITH ANNIE HASLAM (PART 1) | tumag.hu» www.tumag.hu 2018-08-31 (kontsulta data: 2026-07-14).
- ↑ (Ingelesez) Blum, Jordan. (April 20, 2026). «The 11 Greatest Prog Rock Singers of All Time (Ranked)» Loudwire (Townsquare Media).
- ↑ a b c d e f g h «Perfect Sound Forever: Annie Haslam of Renaissance interview» www.furious.com (kontsulta data: 2026-07-14).
- ↑ a b (Ingelesez) Here, Classic Rock; Now. Exclusive Interview with Annie Haslam the Enchanting Songstress of Renaissance. (kontsulta data: 2026-07-14).
- ↑ a b Romano, Will. (2010). Mountains come out of the sky : an illustrated history of prog rock. Milwaukee, WI : Backbeat Books ISBN 978-0-87930-991-6. (kontsulta data: 2026-07-14).
- ↑ Káli-Rozmis, Károly. (August 31, 2018). THE LADY OF RENAISSANCE - INTERVIEW WITH ANNIE HASLAM. TuMag.
- ↑ Snider, Charles (2007). The Strawberry Bricks Guide to Progressive Rock (1st ed.). Chicago: Strawberry Bricks. p. 127. ISBN 978-0-615-17566-9
- ↑ Elliott, Russell W.. «The History Of Renaissance» Nlightsweb.com.
- ↑ Sciaky, Ed. (27 June 1993). Interview With Betty Thatcher and Annie Haslam. WYSP Radio (Philadelphia).
- ↑ Bowman, Jamie. (June 11, 2021). «Inside the colourful career of Bolton-born Renaissance singer Annie Haslam» The Bolton News.
- ↑ «Annie Haslam Interview by Martin Kinch» Cherryblossomclinic.110mb.com.
Kanpo estekak
- AnnieHaslam.com – Webgune ofiziala – (Haslamen artearen galeria bat barne)
- Renaissance – Orrialde ofiziala
- Annie Haslam Alison Steelerekin elkarrizketa, 1989ko abuztua
- (Ingelesez):Fine Art aldizkariaren artikulua Haslamen arteari buruz
Datuak: Q271022
Multimedia: Annie Haslam / Q271022
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
