Bhaskara II.a

Bhaskara II.a
Bizitza
Jaiotzako izen-deiturak	भास्कर
Jaiotza	Beed (en) eta Bidar (en) , 1114
Heriotza	Ujjain, 1185 (70/71 urte)
Familia
Aita	Maheśvara
Hezkuntza
Hizkuntzak	sanskritoa
Jarduerak
Jarduerak	matematikaria, astronomoa eta astrologoa
Lan nabarmenak	ikusi Lilavati बीजगणितम् सिद्धान्तशिरोमणि करणकुतूहलम्
Genero artistikoa	matematika

Bhaskara (1114-1185), Bhaskara II.a eta Bhaskara Achārya ("Bhaskara irakaslea") izenez ere ezaguna, matematikari eta astronomo indiar bat izan zen. Bijjada Bidatik hurbil jaio izan zen (egungo Bijapurreko barrutia, Karnatakako estatua, Hegoaldeko India) eta Ujjaingo astronomia behatokiaren burua izan zen, Varahamihiraren eta Brahmaguptaren matematika tradizioa jarraituz.

XII. mendean, Bhaskara matematika eta astronomia ezagueren gailurra izan zen. Kalkuluan, astronomian, zenbaki-sistemetan eta ekuazioen ebazpenean lortutako ezagutza, beste inork ez zuen lehenago lortu hainbat mendetan. Bere zientzia lan garrantzitsuak hauek dira: Lilavati (aritmetikari buruz), Bijaganita (Aljebra) eta Siddhanta Shiromani (1150ean idatzia eta bi atal dituena: Goladhyaya (esfera) eta Grahaganita (planeten matematika)).

Besteak beste, hauek dira Bhaskarak matematikari egindako hainbat ekarpen:

• Pitagorasen teoremaren froga azalera bera kalkulatuz bi modu desberdinetan eta gero gaiak ezeztatuz honako formula hau lortzeko: ${\displaystyle a^{2}+b^{2}=c^{2}}$.

• Lilavati liburuan, bigarren mailako, hirugarren mailako eta laugarren mailako ekuazio indeterminatuen ebazpenak.

• ax² + b = y² motako bigarren mailako ekuazio indeterminatuen ebazpenak.

• Ekuazio lineal eta koadratiko (Kuttaka) indeterminatuen ebazpen osoak. Bhaskara II.ak lortutako arauak XVII. mendeko Berpizkundearen matematikari europarrek lortutako berberak dira.

• Bhaskara II.a honako ondoriora iritsi zen: "1 zati zero = infinitu".