Delicatula integrella
| Delicatula integrella | |
|---|---|
 | |
| Sailkapen zientifikoa | |
| Erreinua | Fungi |
| Filuma | Basidiomycota |
| Klasea | Agaricomycetes |
| Ordena | Agaricales |
| Familia | Tricholomataceae |
| Generoa | Delicatula |
| Espeziea | Delicatula integrella Fayod, 1889 |
| Basionimoa | Agaricus integrellus |
Delicatula integrella Tricholomataceae familiako onddo espezie bat da.[1] Haragi oso urria eta balio gastronomiko gutxikoa.
Sinonimoak: Mycena integrella, Agaricus duboisii, Omphalia integrella, Omphalina integrella, Delicatula bagnolensis, Retocybe milliaris, Retocybe vitrea, Delicatula major.
Deskribapena
Kapela: Txikia bada ere (0,4 eta 1 cm bitarteko diametrokoa) eta hauskorra, morfologia mikologiko ezin hobea du, ganbiletik lau-ganbilera, deprimitua eta unbilikatua erdialdean. Ertza soberakinekin, irregularra, inkurbatua, izurtua, ildaskatua, okre kolorea hartzen du marruskatzean. Azala lehorra, leuna, zetaduna, gardena, elur zuri garbi kolorekoa.
Orriak: Errudimentarioak (ia tolesturak, sinpleak), estuak, zabal, zertxobait dekurrenteak, elkarren artean zainekin eta urkilatuak.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Zuzenetik okertura, gainazal pruinaduna eta haritsua, mizelio-hifa finez inguratutako erraboil txiki batean amaitzen da, kolore zuri gardena izaten du.
Haragia: Oso urria eta mehea, zuri zeharrargi kolorekoa. Usain eta zapore nabarmenik gabea.[2]
Etimologia: Delicatula terminoa latinetik dator, eta delikatuaren txikigarria da, hauskorra delako. Integrella epitetoak, osoa, esan nahi du, nahiz eta txikia izan morfologia perfektua duelako.
Jangarritasuna
Interes gastronomikorik gabea.[3]
Nahasketa arriskua
Delicatula cuspidata delakoaren antzekoa. Mycena eta Hemimycena generoetako espezie zuriek ez dituzte beren orriak tolestura moduan.[4]
Sasoia eta lekua
Udaberrian eta uda hasieran. Aurkitzeko zaila, baina ohikoa eta ugaria. Ale askoko taldeetan ateratzen da. Deskonposatzen ari diren lurperatuta edo erdi lurperatuta dauden sustraitxoetan, adaxketan eta zur-hondakinetan. Leku heze eta ilunetan.[5]
Banaketa eremua
Kanada, Ameriketako Estatu Batuak, Mexiko, Kuba, Costa Rica, Puerto Rico, Guadalupe, Dominika, Guyana Frantsesa, Brasil, Argentina, Europa, Errusia, Turkia, Kaukasia, Himalaiako eremua, Txina, Japonia, Australia, Benin, Malaysia, Taiwan.[6]
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 186 or. ISBN 84-282-0865-4..
- ↑ (Gaztelaniaz) Morales Pulido Juan, Carmona Perate José Julián. (1981). Sociedad Micologica Extremeña, Medalla de Extremadura 2019.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ (Gaztelaniaz) Calvo Pérez Javi. (2006). El mundo de las setas. Asociacion Micológica Fungipedia.
- ↑ Delicatula integrella: GBIF—the Global Biodiversity Information Facility.
Kanpo estekak
Datuak: Q10477910
Multimedia: Delicatula integrella / Q10477910
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
