Echinoderma echinaceum
| Echinoderma echinaceum | |
|---|---|
 | |
| Sailkapen zientifikoa | |
| Erreinua | Fungi |
| Filuma | Basidiomycota |
| Klasea | Agaricomycetes |
| Ordena | Agaricales |
| Familia | Agaricaceae |
| Generoa | Echinoderma |
| Espeziea | Echinoderma echinaceum Bon, 1991 |
| Basionimoa | Lepiota echinacea |
Echinoderma echinaceum Agaricaceae familiako onddo espezie bat da.[1] Ez da jangarria.
Sinonimoak: Lepiota hispida, Lepiota porphyrea, Lepiota echinacea var. marginata, Lepiota cristata var. echinacea, Cystolepiota echinacea.
Deskribapena
Kapela: Txikia, 4 eta 6 cm bitarteko diametrokoa, hemisferikotik ganbilera eta lau-ganbilera, titi kamutsarekin erdian. Kapelaren azala marroi-hur kolorekoa, ezkata edo garatxoekin, lodiak, tenteak (dentsitate handiagoz erdialdera), hondoan haragi zuria agerian uzten dute.
Orriak: Zuriak, altuak, libreak, sabeldunak.
Orri libreak: Oinera hurbiltzen diren orriak, baina ukitzen ez diotenak. Mugitzen ez den eraztuna.
Hanka: Fistulosoa, zilindrikoa, pixka bat loditua oinarrian, zuria, goian, errezel partzialaren hondarrekin, oinaren erdialderantz eraztunaren eremu garbia inguratzen, errezel tomentodun-kortiniformea, eta beherago berriro ezkatak eta mizelio zurixka.
Haragia: Zuria eta aldatzen ez dena, goma usainekoa, zaporea Lepiota cristata delakoak bezain mina ez du. Espora-jalkina zuri-hori argi kolorekoa.[2]
Etimologia: Lepiota terminoa grezierazko "lepis" "lepidos" hitzetatik dator eta "oús" eta "otós ear" hitzetatik, kapela esan nahi duena. Ezkatadun kapela duen onddoa.
Jangarritasuna
Zalantzazko jangarria, toxikoa izan daiteke.[3]
Nahasketa arriskua
Lepiota cristata delakoarekin nahas daiteke, honen haragia minagoa da. Lepiota aspera, handiagoa da (5-12), ez da hain iluna, ezta kizkurra ere. Lepiota carinii espezieak, kolore marroi-gorri horixka du eta ezkatak kapelan eta oinean.
Sasoia eta lekua
Udan eta udazkenean. Hostozabaletan, humusa dagoen lurzoruetan: Douglas izeia, izei gorria, zedroa, gaztainondoa, hurritza.
Banaketa eremua
Ameriketako Estatu Batuak, Kanada, Mexiko, Brasil, Europa, Errusia, Japonia, Himalaiako eremua, Taiwan, Australia, Zeelanda Berria, Uganda, Kenya, Zimbabwe.[4]
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 282 or. ISBN 84-282-0865-4..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Echinoderma echinaceum: GBIF—the Global Biodiversity Information Facility.
Kanpo estekak
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
