Inocybe fraudans
| Inocybe fraudans | |
|---|---|
_Sacc_169119.jpg) | |
| Sailkapen zientifikoa | |
| Erreinua | Fungi |
| Filuma | Basidiomycota |
| Klasea | Agaricomycetes |
| Ordena | Agaricales |
| Familia | Inocybaceae |
| Generoa | Inocybe |
| Espeziea | Inocybe fraudans Sacc., 1887 |
| Basionimoa | Agaricus fraudans |
Inocybe fraudans Inocybaceae familiako onddo espezie bat da.[1] Inocybe generoko guztiak bezala, toxikoa izan daiteke.
Sinonimoak: Agaricus fraudeans, Inocybe fraudeans. Inocybe corydalina.
Deskribapena
Kapela: 2,5 eta 6,5 cm bitarteko diametrokoa, koniko kamuts-kanpai itxurakotik lau titidunera, fibriloso haritsua, kurbatu izurtua, ertza inkrustatua eta errezel fibrilosoak inguratua. Kapelaren azala zuria gaztetan, marroi-hori koloreko fibrilekin helduaroan, eta, amaieran, orban gorrixkak agertzen dira.
Orriak: Estu, nahiko zabalak, gris zurbiletik marroira doan kolorekoak, ertzak argiagoak.
Hanka: Haragitsu-fibrilosoa, 4 eta 8 cm bitarteko garaierakoa, zilindrikoa, oinarri okertua, zuria, kapelaren kolorekoa, helduaroan behealdean orban gorrixkekin.
Haragia: Udare edo fruta ustelaren usain bereziarekin, jasminarena; zapore gozokoa. Espora jalkina marroi kolorekoa.[2]
Etimologia: Inocybe terminoa, muskulua, nerbioa, zuntza esan nahi duen "is inós" hitzetik eta burua, esan nahi duen “cybe” hitzetik dator, hau da, zuntzezko kapela. Fraudans epitetoa, engainatzea, iruzur egitea, esan nahi duen "fráudo" hitzetik. Zaila ezagutzeko, esan nahi du.
Jangarritasuna
Zalantzazko jangarria, toxikoa izan daiteke.[3]
Nahasketa arriskua
Inocybe corydalina delakoarekin nahas daiteke, honek tonu berdexkak izaten ditu kapelan eta oinean.
Sasoia eta lekua
Udazkenaren amaieran (azaroa). Bakarrik edo talde txikietan. Haritzen eta koniferoen basoetan.
Banaketa eremua
Kanada, Ameriketako Estatu Batuak, Iran, Kaukasia, Errusia, Europa.[4]
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 236 or. ISBN 84-282-0865-4..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia..
- ↑ Inocybe fraudans: GBIF—the Global Biodiversity Information Facility.
Kanpo estekak
Datuak: Q10647782
Multimedia: Inocybe fraudans / Q10647782
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
