Metrika

Metrika
Bizitza
Jaiotzako izen-deiturak	Thais Amores García
Jaiotza	Castelló de la Plana, 2003ko azaroaren 23a (22 urte)
Herrialdea	Katalunia
Jarduerak
Jarduerak	kanta-idazlea, abeslaria eta raperoa
Influentziak	La Zowi, Cazzu eta Justin Quiles
Genero artistikoa	trapa reggaetona
Musika instrumentua	ahotsa
Diskoetxea	Universal Music Spain, S.L.

Thais Amores García (Castellón de la Plana, Castellón, 2003ko azaroaren 23a), Metrika izenez ezaguna, rap-abeslaria da. Ezaguna da sexualitate sendoz, emakumeen ahalduntzeaz eta berezko hazkundeaz betetako, dolu edo desamodio egoerei lotutako abestiengatik. Era berean, libreki dio satanikoa dela, eta espero duela lehena izatea eskola sataniko bat edukitzen.

Txikitan hasi zuen bere ibilbide musikala Metrika artistak, rapa eta freestyle batailak erabiliz adierazpide pertsonal gisa; izan ere, eskola-ingurunean ez zen ordezkatuta sentitu. Bere hastapenetan, gehienbat maskulinoa zen testuinguru musikalari egin zion aurre, eta esperientzia horrek eragina izan zuen bai bere garapen artistikoan, bai pertsonalean. Etapa hartan, musika sortu zuen bere gelan, eta, 15 urterekin, grabazio-estudio batean bere lehen saioa ordaintzea lortu zuen.^[1]

Bere erreferente kulturalen artean Michael Jacksonen figura nabarmentzen da, bere musika txikitatik aitaren bitartez ezagutu baitzuen.^[1]

2020an kaleratu zuen bere lehen singlea abeslari gisa, X Money izenekoa. 2021erako, Castellón eta Borrianan jardun zuen. Urte bereko azaroan, Tra argitaratu zuen, D. Basto ekoizlearekin egin zuen lehen lankidetza, eta grabazio- eta konposizio-etapa bati ekin zion.^[2][3]

2022 eta 2023 artean argitaratu zituen bere lehen diskoak: Fiat Voluntas Tua, La Minimixxxtape de las Zorras, eta Ceremonia, abesti hauekin, besteak beste: Pabajo, La zorra de tu novia, Toy Boy, Folklorica eta Llorando Rímmel.^[4]

2023ko ekainaren 23an, bere laugarren mixtapea, Femme Fatale, argitaratu zuen, eta une hartara arteko bere kanturik arrakastatsuenak ekarri zituen, Ya t has corrido?, Su alma eta Driving brusco (remix) abestiekin, azken hau l0rna artistarekin elkarlanean. Hilabete hartan bertan, Queens League abestian parte hartu zuen, Espainiako panoramako beste artista urbanoekin batera, hala nola Kristina eta Daniela Garsalekin.

2024ko apirilaren 11n, Madre fundadora kaleratu zuen, zeinak abesti hauek barne hartzen baititu: Glory Six Vain artistarekin elkarlanean, Hello Diky, All Dikys Eyez on Me, Barbietúricos, Ave María Putísima, Semen Up eta El infierno (Nieto666 rap-abeslariarekin). Madshionen arabera, Madre fundadora, proiektu kontzeptual anbiziotsu eta limurtzailea izan zen. Lau ataletan banatutako lan honek Metrikaren moldakortasuna kontsolidatu zuen, trapa, hip hopa eta elektronika uztartuta. Kritikak haren kontakizun gidatua, emozio intimoen esplorazioa eta sexualitate askea aldarrikatu eta genero-espektatibak apurtzen dituen estetika esplizitu eta urratzailea nabarmendu zituen.^[5][6]

Urte hartan egin zuen Madre Fundadora Tour bira, eta 30 kontzertu baino gehiago eman zituen. Irailean, Humedad valenciana kantua argitaratu zuen, Parkineos ekoizlearekin. 2024ko urrian, bere bosgarren mixtapea argitaratu zuen, El Grimorio, Madre Fundadora (2024) lanaren jarraipen gisa pentsatua, besteak beste Susi-Ah abestiarekin, Castelloko Tito ACK rap-abeslariarekin elkarlanean, eta Rix Rabelna, berriz ere, l0rnarekin batera.^[7][8]

2025eko otsailaren 7an, Totaina argitaratu zuen Euskoprincess eta Main acostarekin batera. Apirilaren 16an, Toto de Loca kaleratu zuen, bere hurrengo lan diskografikoaren aurrerapena. 2025eko maiatzean, Neófita mixtapea argitaratu zuen, eta horrekin amaitu zen Metriologia delakoa, Madre Fundadora (2024), El Grimorio (2024) eta Neofita (2025) abestiek osatua. Argitalpenaren aurretik, Diva del Infierno eta Toto de loca singleak egon ziren. Maiatzaren 16an hasi zen Neofita Tour, Madrilen. Uztailaren 25ean argitaratu zuen Las plásticas. Urriaren 12an, Belén Aguilerak Movistar Arenan emandako kontzertura gonbidatu zuten. Han, Dama en apuros abestiaren birnahasketak interpretatu zituzten (azaroaren 21ean argitaratua). Hilabete hartan bertan, Universal Music Spain-ekin sinatu zuen. Abenduaren 18an, Conejita Playboy estreinatu zuen plataforma digitaletan eta Gallery Sessions-en saio batean.^{[9][10][11][12][13][14][15][16][17][18][19][20][21]}

2026ko urtarrilaren 16an argitaratu zuen Jane doe in the dream house EPa.

Metrikak dio bisexuala dela. Nahiz eta iraganean kristaua izan, aitortzen du "ez zela Jainkoak maitatua sentitzen" eta gaur egun satanismoa praktikatzen duela. Horregatik, iritzi publikoak askotan jarri izan du zalantzan.^[22][23]

Artista askotan kritikatu izan da autolesioak, buruko gaitzak, harreman toxikoak edo gehiegizko sexualizazioa bezalako gaiak jorratzeagatik, eta abesti askotan bisexualitateari egindako aipamenengatik. 2025eko ekainaren 30ean, egiten ari zen emanaldi bat bertan behera utzi zuen, ikusleek iruzkin transfoboak egin zizkiotelako bere dantzarietako bati. Metrikak, Instagram sare sozialen bidez, zera esan zuen geratutakoaz: "Ez dit amorrurik eragiten 15 urteko lau nazi frakasatuk itzotzak bota izanak, baina pena handia ematen didate nire dantzarietako bati egindako ohar itsusiek”.^{[24][25][26][27]}

• 2024-2025: Madre Fundadora Tour^[31]
• 2025-2025: Neófita Tour