Patxi Larrainzar

Patxi Larrainzar
Bizitza
Jaiotzako izen-deiturak	Francisco Javier Larrainzar Andueza
Jaiotza	Errezu, 1934ko irailaren 21a
Herrialdea	Nafarroa Garaia, Euskal Herria
Heriotza	Iruñea, 1991ko martxoaren 12a (56 urte)
Hezkuntza
Heziketa	Comillasko Pontifize Unibertsitatea
Hizkuntzak	gaztelania
Jarduerak
Jarduerak	apaiz katolikoa, idazlea eta unibertsitateko irakaslea
Enplegatzailea(k)	Txileko Pontifize Unibertsitate Katolikoa

Patxi Larrainzar Andueza^[1] (Errezu, Deierri, 1934ko irailaren 21 – Iruñea, 1991ko martxoaren 12) Euskal Herriko apaiz eta espainierazko idazlea izan zen.

Deierriko Errezun jaioa, Frumencio izeneko anaia bikia du; jaiotzean ama hil zitzaien. Umetan orduan hazten ari zen Iruñeko auzoa den Arrotxapean bizi izan zen. Ikasketak hiriburuko Seminarioan eta Aita Santuaren Comillasko Unibertsitatean egin zituen. Apaiz bihurtuta, jaioterriko apaiz eta Irunberriko laguntzaile aritu zen Txilera joan baino lehen. Han Santiagoko Unibertsitate Katolikoan irakasle lanetan ibili zen.

Nafarroara itzuli eta Lergara bidali zuten apaiz eta gero bizitokia izan zuen Arrotxapeara. Oso popularra izan zen eta kristautasun aurrerakoiaren eta abertzaletasunaren defendatzailea zenez sarritan, frankismotik hasita, arazoak izan zituen eliza katolikoaren jerarkiarekin^[2].

Espainieraz idatzi zituen lan ugari; gehienek Nafarroa Garaiko egoera politiko-soziala, Iruñea edota erlijio katolikoaz zuen ikuspegia jorratzen dituzte. Haietako bost Txalapartak argitaratu ditu.

• La provocación (1997)
• Pecados veniales de un cura asilvestrado (1995).
• Diario suburbano de Pamplona (1993).
• El desertor (1993).
• Adiós Monseñor (1992).
• Pega, pero escucha (1990).
• Pamplona se hunde y otros chandríos (1990).
• Crónicas secretas del nuevo reino de Navarra (1986).
• Es peligroso creer en Dios (1969). Txilen idatzita.

• Carlismo y música celestial (1979).
• Navarra sola o con leche(1979).
• Pampilonia circus (1989).
• Pamplona detrás del telón.
• Utrimque Roditur.
• Ensayo general para la conquista del cotarro; Opus Deiri buruz^[3].

• Apuntes históricos sobre la Rochapea (1981).

Omenaldi gisa, Iruñeko Arrotxapea auzoko D ereduko eskola publikoari bere izena jarri zioten, Patxi Larrainzar^[4].

• Arrotxapea

• Patxi Larrainzar Andueza bloga.