Russula cutefracta
| Russula cutefracta | |
|---|---|
 | |
| Sailkapen zientifikoa | |
| Erreinua | Fungi |
| Filuma | Basidiomycota |
| Klasea | Agaricomycetes |
| Ordena | Russulales |
| Familia | Russulaceae |
| Generoa | Russula |
| Espeziea | Russula cutefracta Cooke, 1881 |
Russula cutefracta Russulaceae familiako onddo espezie bat da.[1] Russula cyanoxantha (urretxa) delakoaren prestaketa berberak.
Sinonimoak: Russula cyanoxantha var. cutefracta.
Deskribapena
Kapela: 6 eta 12 cm bitarteko diametrokoa, globo itxurakotik lau-deprimitura, ertza soberakinekin, pitzadura bereziak eta ikusgarriak ertzetara. Azal lehorra, matea, kolore aldakorrekoa, grisaxka, urdinxka eta baita morea ere, ilunagoa kapelaren erdian, ezkata gorri-purpura kolorekoekin.
Orriak: Itsatsiak, koipetsuak, oso estu, estuak, anastomosatuak, zuriak edo horixka arin kolorekoak.
Hanka: 10 cm arteko garaierakoa, oinarrian zertxobait mehetua, hauskorra (Russula guztiak bezala), zuri zikin kolorekoa.
Haragia: Solidoa, gogorra (harroa heldu ondoren), mehea, pikortsua, zuria. Zapore gozoa eta atsegina.[2]
Etimologia: Latinetik dator Russula hitza, russus-etik, gorriaren txikigarritik: apur bat gorrixka, kolore gorria dutelako Russula generoko espezie askok. Cutefracta epitetoa ere latinetik dator, azala, esan nahi duen, "cutis" hitzetik eta hautsita esan nahi duen "fractus" hitzetik. Kapelaren ertzean hautzita duelako azala.
Jangarritasuna
Jangarri ona.[3]
Nahasketa arriskua
Russula cyanoxantha delakoak ez du ertza pitzatua eta pagadietan ateratzen da.[4]
Sasoia eta lekua
Udan eta udazkenean. Iparraldeko mendietako pinudietan, batez ere pinu gorrien azpian. Artelatzen eta ametzen azpian. Bakarrik edo taldeka.[5]
Banaketa eremua
Mendebaldeko Europa, Ameriketako Estatu Batuak, Japonia.[6]
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 56 or. ISBN 84-282-0865-4..
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 122 or. ISBN 84-505-1806-7..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 407 or. ISBN 84-282-0540-X (T. 1). ISBN: 84-282-0538-8 (O.C.)..
- ↑ Russula cutefracta: GBIF—the Global Biodiversity Information Facility.
Kanpo estekak
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
