Sator
| Sator | |
|---|---|
 | |
| Sailkapen zientifikoa | |
| Filuma | Chordata |
| Klasea | Mammalia |
| Ordena | Eulipotyphla |
| Familia | Talpidae |
| Datu orokorrak | |
| Elikadura iturri nagusia | harra, chrysalis (en)  eta Beldarra |
| Gizakiak ateratzen dizkion produktuak | Q118587591 |
Satorra (Talpidae familia) animalia ugaztuna da, intsektujaleen ordenakoa. Lurrazpian bizi da, zuloak eginez. Espezie batzuk uretakoak edo erdiuretakoak dira. Satorrak Ipar Amerikan, Europan eta Asian aurki daitezke.
Deskribapena
Euren gorputza zilindrikoa da eta ez da leporik ageri. Larruz estalita dago eta belarriak ez dituzte ikusgai[1]. Begiak oso txikiak izaten dira eta ikumen kaskarra dute[2]. Hori konpentsatzeko muturrean eta buztanean ileak dituzte. Ile hauek, organo sentikorrak edo ukimenekoak dira.
Bere hankek, atzazal handi eta indartsuak dituzte, 150 metroko luzera har dezaketen zuloak egiteko prestatuak. Bere hankak laburrak eta indartuak dira. Bere gorputzak, 17 zentimetroko luzera har dezake, emeak harrak baino handiagoak diren arren. Euren buztanak 4 zentimetroko luzera du. Emeek sei edo zortzi titiburu dituzte, espeziearen arabera. Satorren buruhezurra luzea eta estua da, eta nahiko laua, zuloetan aurrera egin ahal izateko[1].
Jokaera
Espezie batzuk gauzaleak diren arren gehienak egunez zein gauez egoten dira aktibo. Lurrazpian zuloak egiten dituzte alde batetik harraparei ihes egiteko, eta bestetik zuloetan erortzen diren animaliak ehizatzeko. Zuloak egiten aurrera joaterakoan sudurzuloak eta belarrizuloak itxi egiten dituzte eta arrek zakila atzerantz botatzen dute.
Haien metabolismo azkarra dela eta, asko jaten dute. Haragijaleak dira oro har, eta batez ere intsektuak jaten dituzten arren, zizareak, larbak, barraskiloak eta abar ere jaten dituzte. Zuloak dira satorren bizileku eta ehiza eremua, baina zenbait espeziek, desmanek adibidez, zulotik kanpo ehizatzen dute.
Landa lurretan, larreetan edo lorategietan aurki daitezke. Baita basoetan ere, hau hain ohikoa ez den arren. Euren habiak, hostoz bigunduak, 5 metroko sakoneran daude. Bertan biltzen dituzte zizare eta beste ornogabe batzuk, gero jateko.
Satorrak oso lurraldekoiak dira eta beren eremua defendatzeko borroka latz azkarrak izatera iristen dira[2].
Nahiz eta askotan kaltegarritzat jo, satorrak ez du laborarien ekoizpenak jateko ohiturarik, eta haren presentzia lurraldearen aniztasun biologiko onaren adierazgarri da. Hala ere, zuloak egitean landareen sustraiak kalte ditzake, eta sarreretan egiten dituen lur metek abelburuei jateko belarra gutxitzen die, estetika apaltzeaz batera.
Ugalketa
Urtean bi umealdi izan ditzakete. Horietako bakoitzean, 5 kume izatera hel daitezke. Sator gazteek jaio eta urte betera heldutasun sexuala lortzen dute...
Sailkapena
Familia 3 subfamilia, 7 tribu eta 17 generotan banatuta dago:
- Azpifamilia Scalopinae
- Tribua Condylurini
- Generoa Condylura
- Tribua Scalopini
- Generoa Parascalops
- Generoa Scalopus
- Generoa Scapanulus
- Generoa Scapanus
- Tribua Condylurini
- Azpifamilia Talpinae
- Tribua Desmanini
- Tribua Neurotrichini
- Generoa Neurotrichus
- Tribua Scaptonychini
- Generoa Scaptonyx
- Tribua Talpini
- Generoa Euroscaptor
- Generoa Mogera
- Generoa Parascaptor
- Generoa Scaptochirus
- Generoa Talpa
- Tribua Urotrichini
- Generoa Dymecodon
- Generoa Urotrichus
- Azpifamilia Uropsilinae
- Generoa Uropsilus
Erreferentziak
- ↑ a b Grzimek, Bernhard. (1975). Grzimek's Animal Life Encyclopedia, Volume 10: Mammals I. New York: Van Nostrand Reinhold Company.
- ↑ a b Macdonald, David W. (David Whyte). (1984). The Encyclopedia of mammals. New York, NY : Facts on File ISBN 978-0-87196-871-5. (kontsulta data: 2020-09-14).
Ikus, gainera
Kanpo estekak
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
