OTA bateko irudia, aurrealdeko mediastinoan agertzen den timoma erakusten duena marra gorriak inguratuta.
Timoma tumore multzo mota da mediastinoan dagoen timoan sortutakoa. Sarritan onbera den arren, portzentaia batean gaiztoa ere izan daiteke. Ohikoa ez bada ere, miastenia gravis (MG) izeneko gaixotasunarekin duen loturagatik aski ezaguna da.
Berdin agertzen da emakume eta gizonengan, eta adin ohikoena 30-40 urtekoa da.
Sintomak
Pazienteen herenak ez du sintomarik azaltzen, beste heren batengan timoma inguruko organoetan zabaltzeagatik disfagia, eztula eta bularreko mina agertu daitezke eta beste heren batek, azkenik, lotutako gaixotasun autoimmuneek eragindako sintomak jasango ditu. Azken kasu honetan, gogorarazi behar da timoma duten gaixoen %30-50ek miastenia gravis ere batera pairatzen dutela, eta MG dutenen artean %10-15ek timoma ere badutela. Lotutako beste eritasun autoimmuneen artean, bestela, lupus eritematosoa, anemia aplasikoa eta immunoeskasiak daudela.
Diagnostikoa
OTA edo eskanerra oso proba diagnostiko garrantzitsua da, alde batetik hainbat kasutan sintomarik agertzen ez delako, eta bestetik klinikagatik susmo sendoa egonez gero tumorea ondo kokatzen duelako eta baita zabaltze maila antzeman ere.
Behin irudiaren bidez ikusita, biopsia batek zehaztuko du mota onbera edo gaiztoa den eta azpimota ere bai.
Halaber, azetilkolinaren errezeptoreen aurkako antigorputzak odolean topatzeak miastenia gravisen diagnostikoa bideratuko zuen.
Pronostikoa
Gaixotasun autoimmuneekin elkartutako timomek normalean pronostiko ona dute. Orokorrean, 5 urtetarako biziraupena batez beste %70ekoa da.
Aurkako faktoreen artean, bestela, ingurualdeko inbasioa, metastasiak (pleura, giltzurrun, hezur, gibel edo garunean) edo trakea edo aparatu baskularra hartuta egotea eta tamaina 10 cm-koa edo handiagoa edo adina 30 urte baino gutxiagokoa edukitzea daude.
Mota histologikoaren arabera ere pronostikoa aldatuko da, mota epitelial eta mistoak okerrenak izanda.
Tratamendua
Kirurgia tratamendu nagusia da. Tumore handia eta gaiztoa bada, ebakuntza baino lehen kimioterapia beharrezkoa izango da, eta erradioterapia ere erabilgarria izan daiteke.
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
Responsible use. Any risk arising from the use of information from this website is entirely the responsibility of the user.
.jpg)
